Yaguba 2:5 - Ala la kitabuenu Mɔgɔfin kuma tɔ

⁵ N nɛɛnɛdɔndɛ kanunteŋɛnu, wo wo tolomasɔ n na. Ala bata mɔgɛnu masubɛ minnu be maren fondobɔnɛnu la dunuya kɛɲa ma, alako anu ni ma banna mɔgɛnu la dɛnkɛnɛya kɛɲa ma. Ala bata anu masubɛ alako anu ni barikɛ sɔtɔ a la mansabaya butɔ. Wolo be lahiriren mɔgɛnu ye minnu be Ala kanuren.

Yaguba 2:5 ပူးပေါင်းရင်းမြစ်များ

Hɔrɔya 20:6

Kɔnɔ minnu be n kanula, anu mɛn be n na yamɔrenu makantala, n be n na kanunteya lakotila wondelen ye han yɛlɛman wulu dɔndɔ.

Luki 12:21

Isa mɛn ko: «Awa, mɔgɛ min be harige madɛnna a yɛtɛ ye dunuya, a ma harige danbale ɲini Ala la ko tɔ, wo la ko be tola ɲɔgɔnna le.»

Luki 12:32

Isa mɛn ko: «N na kɛ saaka kurun lanma, wo kana kilan. Wo ni a lɔn a diyata wo Baaba Ala ye a ni mansaya dii wole ma.

Luki 16:22

Lun do, wo fugare fagata. Malekanu ka a jigan anu ka a doni Iburahima kɛnna. Wo kɔma, nafulu tige tugun fagata, anu ka a mandi.

Luki 16:25

Iburahima ka a jaabi, a ko: ‹N na deŋɛ, i mira koola. I la dunuya takunte sɔnɔyata le i bolo a ɲinma la, wo ka a taran Lasari kan be tɔɔrɔren koola. Kɔnɔ bi, a juse be kimaren yan, ile kan be ɲagankata tɔ.

Luki 22:29

Nde tugun be mansaya hanigela wo ye, iko n Baaba ka a hanige nde ye ki min na.

Luki 6:20

Wo kɔma, Isa ka a ɲa sɔ a la talibenu la, a ka kuma da bita, a ko: «Wole fondobɔnɛnu, hɛra be wo ye, bayi Ala la mansabaya nɛɛma bata ma wole tɛŋɛ la.

Yaya 7:48

Adun, kuntige yo, Farisi yo, hali dɔndɔ ma dɛnkɛnɛya a ma feu!

Kiilanu 7:2

Etiyɛn ka a jaabi: «N nɛɛnɛdɔndɛnu nun n baabanu, wo tolomasɔ! Wo mɔ benba Iburahima to be Mesapotami jamanɛ tɔ, Ala nɔɔra tige bɔɔta le a ma, yannun a ni sabati Haran saa tɔ.

1 Tesaloniki 2:12

ka a fɔ wo ye a beeyareŋɛ la, wo tagamanɲa ni bɛn Ala ye, min be wo makeleren wo ni to a la mansaya niiniŋɛ nun a la nɔɔra kɔtɔ.

2 Tesaloniki 1:5

Wo bɛ le be a yitaren Ala be nala kiiti telendeŋɛ sala. Wo kiite butɔ, a si wo jigan mɔgɛnu la minnu bɛnta tola a la mansabaya niiniŋɛ kɔtɔ, wo be tɔɔrɔren Ala la mansabaya min na ko la.

Yaguba 1:12

Hɛra be mɔgɛ ye min be a timiladiyala tɔɔrɛ butɔ, bayi ka a bata ban wo tɔɔrɛ lamuɲula, Marige si a kunnawuli le a ni kise dii a ma. A be wolo lahiriren a kanunteŋɛnu ye.

Yaguba 1:16

N nɛɛnɛdɔndɔ kanunteŋɛnu, wo kana wo yɛtɛ majuguya.

Yaguba 1:19

N nɛɛnɛdɔndɔ kanunteŋɛnu, wo ni wo hakkile to kɛ kuma ma: Wo dɔndɔ dɔndɔ bɛ ni haujɛ wo tolomasɔ koe la, wo kana teriya kumala, wo juse kana yɛlɛ teriya la,

Yaguba 1:9

Fugari dɛnkɛnɛyabaga ni sɛɛwa, ka a fɔla Ala bata a la ko mayɛlɛ.

1 Piyɛri 1:4

A ka a ma wo mɔ ni tasɔtɔ a nama la, alako wo mɔ ni kɛɛ saniyandeŋɛ sɔtɔ min te ban, a te tiɲa. Wo kɛɛ le be mandiren wo ye arijanna butɔ.

1 Samiyɛli 2:30

Alatala la kuma fɔreŋɛ le kɛ la, bani Isirayila Marige Ala: ‹Tɔɲa le, nde le ka a fɔ nun, i la fɔgɛ nun i benba la fɔgɔ da mɔgɛ bɛ be tola n na wale le tɔ nun kudai. Kɔnɔ kɔtɛ, n bata wo lahire bɔɔ a tɔ feu. Bayi n be mɔgɛ le biliyala min ka n biliya, kɔnɔ minnu be n fɛɛyala, n be maluya le dusula wonu kunma.

1 Samiyɛli 2:8

A ni fondobɔnɛ jigan buguta tɔ, a ni a la ko mayɛlɛ. A ni misikinɛ jigan ɲagama tɔ, a ni a sigi kuntigenu tɛma, a ni na mansaya kunnawule dii a ma kɛɛ la. Bayi Alatala le tɛŋɛ mu dunuya tunkenu bɛ la, a be duge lafontiren wonu kunma.