Yaguba 1:9 - Ala la kitabuenu Mɔgɔfin kuma tɔ

⁹ Fugari dɛnkɛnɛyabaga ni sɛɛwa, ka a fɔla Ala bata a la ko mayɛlɛ.

Yaguba 1:9 ပူးပေါင်းရင်းမြစ်များ

Luki 1:52

A si mansanu lajigi anu la mansa tintiŋɛ tɔ, a si fan majigilanu la ko mayɛlɛ.

Luki 10:20

Tɔɲa le, wo si nɔ sɛɛwala jinna koroŋɛnu majigi koe la wo ye, kɔnɔ koe min fisa wo bɛ ko, wo ni sɛɛwa wo tɔgɛ sɛbɛ koe le la saŋɛ tɔ.»

Luki 14:11

N ni a fɔ wo ye: mɔgɔ yo be a fan mayɛlɛla, Ala si wo majigi le, kɔnɔ mɔgɔ yo be a fan majigila, Ala si wo mayɛlɛ le.»

Luki 9:48

a ka a fɔ talibenu ye, a ko: «Ka mɔgɛ min ka kɛ dendeŋɛ biliya n tɔgɛ la, wo tigi bata nde le yɛtɛ biliya. Min be n biliyala, a bata n kiila biliya. Min dɔgɔ wo bɛ tɛma wolo mu mɔgɔ banba la.»

Filipi 3:14

N be katala geeni koe le la, alako n ni sɔŋɛ sɔtɔ. Saŋɛ tɔ Mansa Ala le be wo mɔ keleren wo la: wo mɔ ni a sɔtɔ Ala la mɔgɔ masubɛreŋɛ Isa sabu la.

Filipi 3:3

Wo mɔle le mu sii sunnareŋɛnu la a tɔɲa kii ma, wo mɔle minnu be Ala batula a Hakkili saniyandeŋɛ sabu la. Mɔ be ɲagalinna Ala la mɔgɔ masubɛreŋɛ Isa la ko la, wo butɔ mɔ bele laaren mɔ yɛtɛ wunde la.

1 Piyɛri 2:9

Kɔnɔ Ala bata wole kan ma bɔnsɔ masubɛreŋɛ la, a ka wo ma mansa la sarika lakela jama la. Wo be maren jama saniyandeŋɛ le la, a ka wo ma a tɛŋɛ yati la. A ka wo kele, a ka wo labɔɔ dibe tɔ, wo ni to a la nɔɔra malanná butɔ. A ka wo bɛ ma le alako wo ni a la wali makaabɛreŋɛnu la ko fɔ.

1 Samiyɛli 2:8

A ni fondobɔnɛ jigan buguta tɔ, a ni a la ko mayɛlɛ. A ni misikinɛ jigan ɲagama tɔ, a ni a sigi kuntigenu tɛma, a ni na mansaya kunnawule dii a ma kɛɛ la. Bayi Alatala le tɛŋɛ mu dunuya tunkenu bɛ la, a be duge lafontiren wonu kunma.