Yaguba 1:21 - Ala la kitabuenu Mɔgɔfin kuma tɔ

²¹ Wolo mu, wo ni ko manɛfireŋɛ nun ko koroŋɛ mɔɔle bɛ boloka. Ala bata kuma min nasabati wo juse tɔ, wo ni wo bita mamajige butɔ, bayi wo kuma si nɔ wo lakisila.

Yaguba 1:21 ပူးပေါင်းရင်းမြစ်များ

Yaya 6:63

Ala Hakkili Saniyandeŋɛ le be mɔgɛ lakisila. Bali bangue kan te nɔ fenfen mala malakise la. Ala Hakkile Saniyandeŋɛ min be abada kise diila, wo be wo sɔtɔla nde la kumanu le sabu la n be minnu fɔren wo ye ka.

Yaya 6:68

Simɔn Piyɛri ka a jaabi, a ko: «Marige, mɔ si taga ɲɔmɔ ma? Abada kise kuma be ile le bolo!

Kiilanu 10:33

Wolo ka a ma, n ka mɔgɛnu kii i ma kisanna. I na koe tugun bata diya mɔ ye. Awa kɔtɛ, Marige bata i yamɔri koe min bɛ la, mɔ bɛ be yan Ala ɲala wonu lɔn koe la.»

Kiilanu 13:26

Awa, n bareŋɛnu, Iburahima bɔnsɛ la deŋɛnu, anun minnu bɛ be kilanden Ala la wo tɛma, kɛ kisi ko kiila be lasanbaren wo mɔle le ma.

1 Tesaloniki 1:5

Mɔ to be kibaru ɲinma lakela nun wo ma tɛmuɛ min tɔ, a ma ma da tɔ kuma tun de la. Mɔ be a maren dɛnkɛnɛya sabatireŋɛ yati le la, Ala Hakkili saniyandeŋɛ tugun ka sɛnbɛ dii mɔ la kibaru ɲinma kawandi koe ma. Mɔ be wo ɲaama tɛmuɛ min tɔ nun, wo ka a lɔn yati mɔ be tagamanna nun ki min na wo la ko la.

1 Tesaloniki 2:13

Wolo mu, mɔle tugun, mɔ be Ala lawali sala, bayi mɔ to ka wo kawandi Ala la kuma la, wo bele a bitaren de iko mɔgɛ kumari kulɛ, wo ka a bita le iko Ala la kuma. Iyon, a be fatanden Ala yati le la. Wo kuma sɛnbɛ le be walila wole dɛnkɛnɛyabaganu ɲaama.

Yaguba 4:8

Wo madon Ala la, ale tugun si a madon de wo la. Wole junubutɔɛnu, wo yɛtɛ lasaniyan. Wole filankafuenu, wo juse labeya.

Yaguba 5:20

wo ni a lɔn, mɔgɛ min be junubutɔɛ bɔɔla a la sama kila tɔ, a bata a ma junubutɔɛ ni kisi halage ma, a bata ma junubu banba kafare sabue la.

1 Piyɛri 1:22

Wo bata tɔɲa jokki, wo bata saniyan, alako kanunteya beeyareŋɛ ni to wo juse tɔ wo nɛɛnɛdɔndɔ diinalanu la ko la. Awa, wo ni ɲɔgɔn kanu le yati wo juse bɛ la.

1 Piyɛri 1:9

Wo be dɛnkɛnɛya tɔnɛ sɔtɔla sɛɛwa butɔ, dɛnkɛnɛya tɔnɛ min be tabɛnden kise ma.

1 Piyɛri 2:1

Wo butɔ, wo ni ko koroŋɛ mɔɔle bɛ boloka. A mata foniya la ba, filankafuya, miilanteya, anun mɔgɔ tɔgɔtiɲa mɔɔle bɛ, wo ni a bɛ boloka.

1 Piyɛri 2:11

N kanunteŋɛnu, wo be maren luntaŋɛnu la minnu be yigiyaren kɛ dunuya bangu munge kunma. Wo butɔ, n be wo madiyala le, wo ni wo yɛtɛ latanga dunuya diyanankoe koroŋɛnu ma, bayi anu be wo kɛlɛla Ala la kila kunma.