Yaguba 1:19 - Ala la kitabuenu Mɔgɔfin kuma tɔ

¹⁹ N nɛɛnɛdɔndɔ kanunteŋɛnu, wo ni wo hakkile to kɛ kuma ma: Wo dɔndɔ dɔndɔ bɛ ni haujɛ wo tolomasɔ koe la, wo kana teriya kumala, wo juse kana yɛlɛ teriya la,

Yaguba 1:19 ပူးပေါင်းရင်းမြစ်များ

Luki 15:1

Duuti makelelanu nun junubutɔɛnu bɛ be anu madonna Isa la anu ni anu tolomasɔ a la.

Luki 19:48

Kɔnɔ anu si nɔ a bitala ki min na, anu bele wo kɛɲa yenden, bayi jama bɛ be kitiren a tolomasɔ koe la Isa da kulɛ la.

Kiilanu 1:15

Wo lanuma, Piyɛri wulita lun do, a sɔta a nɛɛnɛdɔndɛnu tɛma. Wo ka a taran, anu madɛndeŋɛ si mɔgɔ kɛmɛ mɔgɔ mugan ɲɔgɔn bɔɔ.

Kiilanu 10:33

Wolo ka a ma, n ka mɔgɛnu kii i ma kisanna. I na koe tugun bata diya mɔ ye. Awa kɔtɛ, Marige bata i yamɔri koe min bɛ la, mɔ bɛ be yan Ala ɲala wonu lɔn koe la.»

Kiilanu 13:48

Sii gbɛtɛ mɔgɛnu to be wo kumanu mɔɛla, anu be sɛɛwaren, anu be Marige la kuma matɔgɔla. Ala bata abada kise sa min bere ye, wonu mata dɛnkɛnɛyabaga la.

Kiilanu 17:11

Bereya Yahudenu juse fisa kuma bitala Tesaloniki Yahudenu ko: anu be kɛɲɛla le Ala la kuma lamɔɛ koe la, lun go lun anu be Ala la sɛbɛre masoela, alako anu ni a lɔn, min be fɔla anu ye, ka a be ɲɔgɔnna yati le.

Kiilanu 2:42

Anu be timiladiyaren kiilanu la karaŋɛ ma, anun anu bolofeŋɛ fatan koe, anun dɛgɛ makuntu koe, anun Ala mataraŋɛ la.

1 Tesaloniki 2:13

Wolo mu, mɔle tugun, mɔ be Ala lawali sala, bayi mɔ to ka wo kawandi Ala la kuma la, wo bele a bitaren de iko mɔgɛ kumari kulɛ, wo ka a bita le iko Ala la kuma. Iyon, a be fatanden Ala yati le la. Wo kuma sɛnbɛ le be walila wole dɛnkɛnɛyabaganu ɲaama.

Yaguba 1:16

N nɛɛnɛdɔndɔ kanunteŋɛnu, wo kana wo yɛtɛ majuguya.

Yaguba 1:2

N nɛɛnɛdɔndɛnu, ka tɔɔrɛ mɔɔle min yo ka wo masɔtɔ a ni ma wo ye ɲagaliŋɛ la,

Yaguba 1:26

Ka mɔgɔ yo ka a yɛtɛ mira diinɛlá la, kɔnɔ ka a bele a yɛtɛ tabitala a da ma, wo tigi be a yɛtɛ majuguyala le. A la diina sɔdula yo bele.

Yaguba 2:1

N nɛɛnɛdɔndɛnu, wo to be dɛnkɛnɛyaren wo mɔ Marige Isa nɔɔrɔ tige le ma, Ala la mɔgɔ masubɛreŋɛ, wo kana mɔgɛnu lafisaya ɲɔgɔn ko.

Yaguba 2:5

N nɛɛnɛdɔndɛ kanunteŋɛnu, wo wo tolomasɔ n na. Ala bata mɔgɛnu masubɛ minnu be maren fondobɔnɛnu la dunuya kɛɲa ma, alako anu ni ma banna mɔgɛnu la dɛnkɛnɛya kɛɲa ma. Ala bata anu masubɛ alako anu ni barikɛ sɔtɔ a la mansabaya butɔ. Wolo be lahiriren mɔgɛnu ye minnu be Ala kanuren.

Yaguba 3:10

Wo butɔ, tantue nun dankare si bɔɔ da dɔndɔ le tɔ! N nɛɛnɛdɔndɛnu, a ma bɛn a ni ma ɲɔgɔnna.

Yaguba 4:11

N nɛɛnɛdɔndɛnu, wo kana ɲɔgɔn tɔgɔtiɲa. Mɔgɛ min be a nɛɛnɛdɔndɛ tɔgɔtiɲala, a ni a yɛtɛ lafisaya a ko, wo tigi bata Ala la sariya tiɲa. A be a yɛtɛ lafisayaren wo Ala la sariya ko. Ka i bata wo ma, i bele Ala la sariya labaturen de, i be i yɛtɛ le maren sariya salá la wo la.

Yaguba 5:12

Awa, n nɛɛnɛdɔndɛnu, n be min mabanbanna wo ye koola, wo ɲan kana wo kali saŋɛ la, wo kana wo kali duge la, wo kana wo kali fenfen mɔɔli do la. Wo tini a fɔ «iyon», a ni ma tɔɲa le la. Wo tini a fɔ «ade», a ni ma tɔɲa le la. Ka wo ma, kiite tini sa, a te bɛn wo ye.

Yaguba 5:19

N nɛɛnɛdɔndɛnu, ka mɔgɔ do be wo ɲaama min bata tɔɲa kila boloka, kɔnɔ mɔgɔ gbɛtɛ ni naa a lasaagi ka a sɔ tɔɲa kila ma mɛn tugun,