Yaguba 1:14 - Ala la kitabuenu Mɔgɔfin kuma tɔ

¹⁴ Ade, kɔnɔ adamadeŋɛ yɛtɛ diyanankoe ko koroŋɛ le be a latantanna. Wolo be a masabala han a ni a laboe.

Yaguba 1:14 ပူးပေါင်းရင်းမြစ်များ

Ko fɔlɔfɔlɛ 3:6

Muse to ka lɔgɔ wole yen, a majabuta, a kaɲin dɔmɔnɛŋɛ la, a kaɲin hakkile sɔtɔfeŋɛ la, a ka a jigan, a ka a dɔmɔ. A ka do jigan, a ka a don a la kaye bolo anun min be ɲɔgɔn na, wo tugun ka a dɔmɔ.

Ko fɔlɔfɔlɛ 6:5

Alatala ka a yen, adamadeŋɛ la ko koron ma bata koloya duge kunma. A ka a yen, tɛmuɛ bɛ fenfen bele adamadeŋɛ juse tɔ, fɔ mira koroŋɛ.

Ko fɔlɔfɔlɛ 8:21

Wo sarika kuɲɛ diyata Alatala ye. A ka a hanige, a ko: «N te duge barikɛ bɔɔ bitugun adamadeŋɛ la ko la. Tɔɲa le, n ka a lɔn ka bɔɔ anu denden tɛmuɛ, anu la mira be tabɛnden ko koron ma le ma. Kɔnɔ n te sɔn nilamanu bɛ halagila bitugun iko n bɔɔren a mala ki min na.

Yaguba 1:13

Mɔgɛ tini di tantanna a la tɔɔrɛ wagate, a kana a fɔ Ala le be a latantanna, bayi a sɔgɔ bele Ala la feu ale yɛtɛ ni ko koroŋɛ ma, a mɛn te adama yo latantan ko koroŋɛ ma koe la.

Yaguba 1:15

Mɔgɛ diyanankoe ko koroŋɛ tini bue jigan, a la deŋɛ be mala junube le la. Junube tugun tini ban sɛnbɛ sɔtɔla, a la deŋɛ be mala faga le la.