Ruti 4:22 - Ala la kitabuenu Mɔgɔfin kuma tɔ

²² Obedo ka Jese sɔtɔ. Jese ka Dauda sɔtɔ.

Ruti 4:22 ပူးပေါင်းရင်းမြစ်များ

Luki 3:31

Eliyakimu mu Meleya la den kayireŋɛ le la. Meleya mu Menna la den kayireŋɛ le la. Menna mu Matata la den kayireŋɛ le la. Matata mu Natan na den kayireŋɛ le la. Natan mu Dauda la den kayireŋɛ le la.

Ruti 4:17

Muse sigiɲɔgɛnu ka kɛ bɔɔbɛ tɔgɛ lawasa, anu ko: «Nayomi bata den kayireŋɛ sɔtɔ! A tɔgɔ Obedo.» Awa, Obedo la deŋɛ le mu Jese la. Jese la deŋɛ le mu Dauda la.

Ruti 4:21

Salimu ka Bɔsu sɔtɔ. Bɔsu ka Obedo sɔtɔ.

1 Samiyɛli 1:1

Kaye do le be nun, a tɔgɔ Elikana. A be sabatiren Ramatayimu saa tɔ, Sufuya duge tɔ, Efirayimu kɔnkɛ do kunma. Yerohamu la deŋɛ le mu a la, Elihu kan mamareŋɛ, Tohu la denbaya, Sufu bɔnsɛ. Efarata kaa le mu a la.

1 Samiyɛli 16:1

Alatala ka a fɔ Samiyɛli ye, a ko: «I be suunula Sayulu la ko la han muntuma? Nde bata a aɲɛ, a te ma Isirayila mansa la bitugun. Kɔtɛ, i la bina lafa tule la, i ni taga Betilɛmu, n be i kiila Jese le bata, bayi n bata mansa masubɛ a la den kayireŋɛnu tɛma.»

1 Samiyɛli 17:12

Efarata kaa min tɔgɔ Jese, wo la deŋɛ le mu Dauda la. Jese be sabatiren Betilɛmu saa tɔ le, Juda duge tɔ. Den kayiren mɔgɔ sagin de be a bolo. Sayulu la wagate ka a taran de, kayiba do le mu a la ɲɔ kaanu tɛma.