Ruti 4:17 - Ala la kitabuenu Mɔgɔfin kuma tɔ

¹⁷ Muse sigiɲɔgɛnu ka kɛ bɔɔbɛ tɔgɛ lawasa, anu ko: «Nayomi bata den kayireŋɛ sɔtɔ! A tɔgɔ Obedo.» Awa, Obedo la deŋɛ le mu Jese la. Jese la deŋɛ le mu Dauda la.

Ruti 4:17 ပူးပေါင်းရင်းမြစ်များ

Ruti 4:16

Nayomi ka bɔɔbɛ jigan, a ka a sa a jusukuŋɛ ma. A bata ma a mɛnnilá la.

Ruti 4:18

Awa, Perɛsi juruya le ka: Perɛsi ka Heturɔn sɔtɔ.

Ruti 4:22

Obedo ka Jese sɔtɔ. Jese ka Dauda sɔtɔ.

1 Samiyɛli 16:1

Alatala ka a fɔ Samiyɛli ye, a ko: «I be suunula Sayulu la ko la han muntuma? Nde bata a aɲɛ, a te ma Isirayila mansa la bitugun. Kɔtɛ, i la bina lafa tule la, i ni taga Betilɛmu, n be i kiila Jese le bata, bayi n bata mansa masubɛ a la den kayireŋɛnu tɛma.»

1 Samiyɛli 17:12

Efarata kaa min tɔgɔ Jese, wo la deŋɛ le mu Dauda la. Jese be sabatiren Betilɛmu saa tɔ le, Juda duge tɔ. Den kayiren mɔgɔ sagin de be a bolo. Sayulu la wagate ka a taran de, kayiba do le mu a la ɲɔ kaanu tɛma.