Ruti 3:12 - Ala la kitabuenu Mɔgɔfin kuma tɔ

¹² Iyon tɔɲa le, denbaya mandilá do le mu n na, kɔnɔ denbaya mandilá do tugun be ɲɔ, min na barenya sutu nde tɛŋɛ ko.

Ruti 3:12 ပူးပေါင်းရင်းမြစ်များ

1 Tesaloniki 4:6

Wo butɔ, mɔgɔ yo kana tɔŋɛ tiɲa, ka junube ma a bareŋɛnu la kɛ koenu tɔ. Bayi Marige be wo koe bɛ makiitila le a ni jihade ma. Mɔ bata wo fɔ wo ye, mɔ bata wo lasii a ɲinma la.

Ruti 2:20

Nayomi ka a fɔ a bitan muse Ruti ye, a ko: «Alatala mu a barajila, Alatala min be kanunteya yitaren mɔgɛnu la minnu be baluren anun minnu fagata. Kɛ kaye mu mɔ baren masutuŋɛ le la, mɔ la denbaya mandilá do le mu a la.»

Ruti 3:11

N na, i kana hanmɛ kɔtɛ. I be min bɛ maɲininkaren, n si a bɛ ma i ye, bayi jama bɛ ka a lɔn musu ɲinma le mu i la.

Ruti 3:13

I ni ki yan kɛ sue. Sinan saguma, ka denbaya mandilá doe sɔnta i mandila, awa. Ka a ma sɔn, wo tɛmuɛ nde si i mandi. N bata wo lahire jigan i ye Alatala ɲala. To yan, i ni sa han saguma.»

Ruti 4:1

Wo ka a taran, Bɔsu bata taga mamadɛndula saa dondula tɔ, a sigita ɲɔ. Bɔsu ka baren masutuŋɛ min na ko fɔ nun, Ala ka a ma wo tugun be tanbila. Awa, Bɔsu ka a fɔ a ye, a ko: «Ile, i madon i ni i majigi yan!» A ka a madon, a sigita.

Ruti 4:4

N be a hanigeren n ni i lalɔn, n ni a fɔ i ye, i ni kɛ duge san kuntigenu ɲala anun jama min be naren. Ka i si nɔ kɛ duge mandila, i ni a mandi. Ka i te nɔ a mandila, i ni a fɔ n ɲɛ, alako n ni a lɔn. Bayi mɔgɔ do te nɔ a mandila fɔ i ni i kulɛ dii a ma. Ka ile ma, fɔ nde le ni a mandi.» Ale kaye ka a fɔ, a ko: «Nde si a mandi.»