Ruti 3:10 - Ala la kitabuenu Mɔgɔfin kuma tɔ

¹⁰ Bɔsu ka a fɔ, a ko: «N na, Alatala mu i barajila. I la kɛ kanunteya kaɲin a fɔlɔnɛŋɛ ko, bayi i ma kamaren fondo tigenu jokki, ka wo ma a fondobɔnɛnu.

Ruti 3:10 ပူးပေါင်းရင်းမြစ်များ

Ko fɔlɔfɔlɛ 24:31

Laban ka a fɔ a ye, a ko: «N baaba, ile min mu Alatala la dubadeŋɛ la, na yan. I be sɔren saa kɔma fenna? N bata yigiya tabɛn i ye, n bata a tabɛn i la ɲɔgɔmɛnu tugun ye.»

Ruti 1:8

Anu be kila tɔ, Nayomi ka a fɔ a la deŋɛnu la musenu ye, a ko: «Wo saagi wo nɛɛnɛnu bata. Ala mu kanunteya yitala wo la iko wo ka kanunteya yita mɔ la furenu nun nde la ki min na.

Ruti 2:11

Bɔsu ka a jaabi, a ko: «I la kaye la fagareŋɛ i ka min bɛ ma i bitan muse ye, anu ka a bɛ ɲamakaran n ɲɛ. I ka i baaba nun i nɛɛnɛ anun i sɔtɔ duge aɲɛ ki min na, ka sɔ jama do kɔma i ma min fɔlɛ lɔn nun, anu ka wo bɛ ɲamakaran n ɲɛ.

Ruti 2:20

Nayomi ka a fɔ a bitan muse Ruti ye, a ko: «Alatala mu a barajila, Alatala min be kanunteya yitaren mɔgɛnu la minnu be baluren anun minnu fagata. Kɛ kaye mu mɔ baren masutuŋɛ le la, mɔ la denbaya mandilá do le mu a la.»

Ruti 2:4

A ma mɛ, Bɔsu nata bɔɔla Betilɛmu. A ka walilanu kɔntɔn, a ko: «Wo nuwali, Ala mu wo dɛmanna.» Walilanu ka a labita, anu ko: «Ala mu ile tugun barajila.»

Ruti 3:9

A ka a fɔ, a ko: «Ile ɲɔmɔ le?» A ka a jaabi, a ko: «Nde le mu, Ruti, i la walilá. N be naren de, ka i si nɔ n na fute kitila, bayi ile le mu denbaya mandilá la.»

1 Samiyɛli 15:13

Samiyɛli tagata Sayulu kɛnna, Sayulu ka a fɔ a ye: «Ala mu barikɛ sala i la ko tɔ! Alatala ka min fɔ n ɲɛ, n bata a ma.»