Ruti 2:12 - Ala la kitabuenu Mɔgɔfin kuma tɔ

¹² Alatala mu i sɔŋɛ diila i la ko ɲinma la, i bata min ma wo sabue la. Alatala mu i sɔŋɛ lakamalila. Bani Isirayila kaanu be Ala min batula, i bata na i yɛtɛ taaku ale Ala la, a ni i kanta.»

Ruti 2:12 ပူးပေါင်းရင်းမြစ်များ

Luki 6:35

A bɛnta le wo ni wo jaguenu le kanu, wo ni ko ɲinma ma, wo ni mɔgɛ dɔntɔ, wo yili kana to ɲɔgɔ dee ma. Wo butɔ, wo baraje si koloya. Wo si a yita wo mu Ala la deŋɛnu le la, Ala min mayɛlɛta, bayi ale si nɛɛma fisiriwalenu nun mɔgɔ koroŋɛnu ma.

Ruti 1:16

Kɔnɔ Ruti ka a fɔ, a ko: «I kana n karahan bɔɔ koe la i kɔma, i kana n nagbata saagi koe la i kɔma. I be tagala ka min na, nde tugun be tagala ɲɔ le. I kidula, nde tugun kidula le mu. I la mɔgɛnu mu n na mɔgɛnu le la. I la Ala mu n na Ala le la.

Ruti 2:11

Bɔsu ka a jaabi, a ko: «I la kaye la fagareŋɛ i ka min bɛ ma i bitan muse ye, anu ka a bɛ ɲamakaran n ɲɛ. I ka i baaba nun i nɛɛnɛ anun i sɔtɔ duge aɲɛ ki min na, ka sɔ jama do kɔma i ma min fɔlɛ lɔn nun, anu ka wo bɛ ɲamakaran n ɲɛ.

Ruti 2:13

Ruti ka a fɔ Bɔsu ye, a ko: «N tige, i bata hinnɛ n na. I bata n juse sa, nde i la jon muse, i bata n madiya i la kuma la. Adun nde bele toren iko i la walilá muse do.»

Ruti 4:15

A si i juse sa, a mɛn ni i dankun i la mamakɔtɔya butɔ. I la den kayireŋɛ la musu Ruti fisa i ye den kayiren mɔgɔ wɔrɔwila ko, bayi a ka i kanu. Ale le bata kɛ mamareŋɛ sɔtɔ i ye.»

1 Samiyɛli 24:19

I ka ko ɲinma le yita n na bi i wali kɛɲa ma. Bayi Alatala bata n sa nun i sagoe tɔ, i ka n to ɲɔ i ma n faga.

1 Samiyɛli 24:20

Ka mɔgɛ ka a jague masɔtɔ, a si a to le ba a ni taga a sagoe la? Alatala mu i sɔŋɛ diila ko ɲinma la i ka min ma n ɲɛ bi luŋɛ tɔ.