Luki 6:28 - Ala la kitabuenu Mɔgɔfin kuma tɔ

²⁸ wo ni duba wo dankalanu ye, wo ni Ala mataran hɛra la wo tɔgɔ tiɲalanu ye.

Luki 6:28 ပူးပေါင်းရင်းမြစ်များ

Luki 23:34

Isa ka a fɔ, a ko: «Baaba, i ni anu la ko koroŋɛ kafari, bayi anu be koe min maren anu bele wo fahamuren.» Wo kɔma, sɔɔrenu ka tonbola ma, anu ni a la kutanu fatan ɲɔgɔn ma.

Luki 6:27

Isa mɛn ka a fɔ: «Kɔnɔ wole minnu be n kulɛ mɔɛla, n ni a fɔ wo ye: Wo ni wo jaguenu kanu, wo ni ko ɲinma ma wo kɔnnɛlanu ye,

Luki 6:35

A bɛnta le wo ni wo jaguenu le kanu, wo ni ko ɲinma ma, wo ni mɔgɛ dɔntɔ, wo yili kana to ɲɔgɔ dee ma. Wo butɔ, wo baraje si koloya. Wo si a yita wo mu Ala la deŋɛnu le la, Ala min mayɛlɛta, bayi ale si nɛɛma fisiriwalenu nun mɔgɔ koroŋɛnu ma.

Kiilanu 14:5

Wo butɔ, Yahudenu anun anu la kuntigenu anun sii gbɛtɛ mɔgɛnu bɛnta a ma anu ni ko koroŋɛ ma Pɔlu nun Baranabasi la, anu ni anu mabun ka anu faga.

Kiilanu 7:60

Wo kɔma, a kimisirinta, a ka a kulɛ labɔɔ sɛnbɛ la, a ko: «Marige, i kana anu bita kɛ junube la!» A to banta wo fɔla, a fagata a tota iko a be kinnɔgɔla.

Yaguba 3:10

Wo butɔ, tantue nun dankare si bɔɔ da dɔndɔ le tɔ! N nɛɛnɛdɔndɛnu, a ma bɛn a ni ma ɲɔgɔnna.

1 Piyɛri 3:9

Wo kana wali koroŋɛ ɲɔgɔ wali koroŋɛ la. Wo kana nanire ɲɔgɔ nanire la. Kɔnɔ, wo ɲan bɛnta le wo ni a ma duba la. ⸂Wo ni a lɔn⸃ wo be keleren wolo la, alako wo ni duba sɔtɔ kɛɛ la.