Luki 6:27 - Ala la kitabuenu Mɔgɔfin kuma tɔ

²⁷ Isa mɛn ka a fɔ: «Kɔnɔ wole minnu be n kulɛ mɔɛla, n ni a fɔ wo ye: Wo ni wo jaguenu kanu, wo ni ko ɲinma ma wo kɔnnɛlanu ye,

Luki 6:27 ပူးပေါင်းရင်းမြစ်များ

Luki 23:34

Isa ka a fɔ, a ko: «Baaba, i ni anu la ko koroŋɛ kafari, bayi anu be koe min maren anu bele wo fahamuren.» Wo kɔma, sɔɔrenu ka tonbola ma, anu ni a la kutanu fatan ɲɔgɔn ma.

Luki 6:22

Mɔgɛnu tini wo kɔn wagate min tɔ, anu ni wo bee, anu ni wo fɛɛya, ka wo tɔgɛ tiɲa nde Adamadeŋɛ la ko la, hɛra be wo ye.

Luki 6:35

A bɛnta le wo ni wo jaguenu le kanu, wo ni ko ɲinma ma, wo ni mɔgɛ dɔntɔ, wo yili kana to ɲɔgɔ dee ma. Wo butɔ, wo baraje si koloya. Wo si a yita wo mu Ala la deŋɛnu le la, Ala min mayɛlɛta, bayi ale si nɛɛma fisiriwalenu nun mɔgɔ koroŋɛnu ma.

Luki 8:15

Suge lansanta duge kan ɲinma min tɔ, wo mu mɔgɛnu le la, minnu ka Ala la kuma mɔɛ anu ka a bita sɔɔbɛ la, sondon ɲinma anun a telendeŋɛ la. Wagati bɛ anu be timiladiyaren Ala la ko ma, wolo mu anu be mala iko sɛnɛtɔfeŋɛ to be wolola a ɲinma la.»

Luki 8:18

Wolo mu, a bɛnta wo ni wo tolomasɔ Ala la kuma la koola: ka min ka a bita a ɲinma la, Ala si naa a kɔ do tugun na, kɔnɔ ka min ma a bita, hali a be a miraren min den be a bolo wo si bɔɔ le a bolo.»

Luki 8:8

Suge do tugun lansanta dugu ɲinma tɔ, anu fɛtɛnta anu wolota, a bɛ ka a ɲɔgɔn siila kɛmɛ wolo.» Isa la bandeŋɛ taale sala, a ka a kulɛ labɔɔ, a fɔla: «Tole be minnu la a mɔɛ koe la, anu ni anu tolomasɔ kɛ taale la koola.»

Kiilanu 10:38

Wo mɛn ka a lɔn, Ala ka Isa Nasarɛti kaa masubɛ ki min na a ka a kɔ Hakkili saniyandeŋɛ barikɛ la. Wo mɛn ka a lɔn tugun, Isa to be tanbila dula bɛ tɔ a be ko ɲinma mala, a mɛn ni mɔgɛnu bɛ lakendeya minnu be Sentanɛ sagoe tɔ, bayi Ala le be a fɛ.

Kiilanu 16:28

Kɔnɔ Pɔlu ka a kulɛ banba labɔɔ, a ko: «I kana fenfen koron ma i yɛtɛ la! Mɔle bɛ be yan yati!»

Kiilanu 7:60

Wo kɔma, a kimisirinta, a ka a kulɛ labɔɔ sɛnbɛ la, a ko: «Marige, i kana anu bita kɛ junube la!» A to banta wo fɔla, a fagata a tota iko a be kinnɔgɔla.

1 Tesaloniki 5:15

Wo ni wo mɛnni koola, mɔgɔ yo kana ko koroŋɛ yɔgɔ ko koroŋɛ la. Wo ni to katala tɛmuɛ bɛ ka ko ɲinma le tun ma ɲɔgɔn ye, anun mɔgɛ bɛ ye.