Luki 4:18 - Ala la kitabuenu Mɔgɔfin kuma tɔ

¹⁸ Marige Alatala Hakkili saniyandeŋɛ be n fɛ, bayi a ka n masubɛ kibaru ɲinma lake koe la tɔɔrɔbaganu ma. A bata n sɔ kiilaya la, n ni a fɔ bolo tɔ mɔgɛnu ye anu si kunka. N ni a fɔ ɲabɔnɛnu ye anu ɲa si laka. Nɔɛ be saren minnu ma n ni a fɔ wonu ye anu si hɔrɔya.

Luki 4:18 ပူးပေါင်းရင်းမြစ်များ

Ko fɔlɔfɔlɛ 3:15

N si jaguya to i nun muse tɛma, n si jaguya to i bɔnsɛ nun a bɔnsɛ tɛma. A bɔnsɛ si i kuŋɛ te, ile tugun si a tingiliŋɛ kin.»

Luki 4:17

Anu ka annabi Esayi la kitabue don a bolo. A ka wo kitabue laka, a ka kandula do yen a be sɛbɛren ka min na, a ko:

Luki 6:20

Wo kɔma, Isa ka a ɲa sɔ a la talibenu la, a ka kuma da bita, a ko: «Wole fondobɔnɛnu, hɛra be wo ye, bayi Ala la mansabaya nɛɛma bata ma wole tɛŋɛ la.

Luki 7:22

Wo butɔ, Isa ka Yaya la wo kiila fila jaabi, a ko: «Wo be min yenden yan, wo be min tugun mɔɛren, wo taga a bɛ ɲamakaran Yaya ye, wo ko: ɲabɔnɛnu ɲa bata laka, kɛn dɔndɔ tigenu bata tagaman a ɲinma la, baliwulentɔɛnu bata saniyan, tolobɔnɛnu tole bata laka, mɔgɔ fagareŋɛnu bata lawuli, kibaru ɲinma bata lake fugarenu ma.

Yaya 1:41

A tagata a dɔgɛ yɛtɛ Simɔn yen betunna, a ka a fɔ a ye: «Mɔ bata Al-Masihu yen!» Wo be fɔren de anu la kuma tɔ: «Ala la mɔgɔ masubɛreŋɛ».

Yaya 12:46

Kɛnɛ le mu nde la, n be naren de dunuya alako ka mɔgɔ yo dɛnkɛnɛyata n ma, wo tigi kana to dibe tɔ.

Yaya 3:34

Ala bata min nasanba, wo be Ala la kuma le fɔla, bayi Ala be a Hakkili saniyandeŋɛ barikɛ le lajigiren a ma dan bele min na.

Kiilanu 10:38

Wo mɛn ka a lɔn, Ala ka Isa Nasarɛti kaa masubɛ ki min na a ka a kɔ Hakkili saniyandeŋɛ barikɛ la. Wo mɛn ka a lɔn tugun, Isa to be tanbila dula bɛ tɔ a be ko ɲinma mala, a mɛn ni mɔgɛnu bɛ lakendeya minnu be Sentanɛ sagoe tɔ, bayi Ala le be a fɛ.

Kiilanu 26:18

alako i ni anu ɲa laka, anu ni bɔɔ dibe tɔ ka to kɛnɛ tɔ, anu ni bɔɔ Sentanɛ la nɔɛ kɔtɔ, anu ni to Ala la mansabaya kɔtɔ. Wo butɔ, ka anu bata dɛnkɛnɛya n ma, anu si junubu kafare sɔtɔ le, anu mɛn si naa kɛɛ sɔtɔ le saniyanbaganu bɛ ɲaama.›

Kiilanu 4:26

Dunuya mansanu bata wuli kɛlɛ ma koe la, kuntigenu bata bɛn Marige Ala anun a la mɔgɔ masubɛreŋɛ kunma.›

Kiilanu 4:27

Iyon, Herodu nun Pɔnsu Pilati, anun sii gbɛtɛ mɔgɛnu, anun bani Isirayila bɔnsɛnu yati bata bɛn kɛ saa tɔ, i la jonden saniyandeŋɛ Isa kunma, i ka min masubɛ.

Yaguba 2:5

N nɛɛnɛdɔndɛ kanunteŋɛnu, wo wo tolomasɔ n na. Ala bata mɔgɛnu masubɛ minnu be maren fondobɔnɛnu la dunuya kɛɲa ma, alako anu ni ma banna mɔgɛnu la dɛnkɛnɛya kɛɲa ma. Ala bata anu masubɛ alako anu ni barikɛ sɔtɔ a la mansabaya butɔ. Wolo be lahiriren mɔgɛnu ye minnu be Ala kanuren.

1 Piyɛri 2:9

Kɔnɔ Ala bata wole kan ma bɔnsɔ masubɛreŋɛ la, a ka wo ma mansa la sarika lakela jama la. Wo be maren jama saniyandeŋɛ le la, a ka wo ma a tɛŋɛ yati la. A ka wo kele, a ka wo labɔɔ dibe tɔ, wo ni to a la nɔɔra malanná butɔ. A ka wo bɛ ma le alako wo ni a la wali makaabɛreŋɛnu la ko fɔ.