Luki 23:50 - Ala la kitabuenu Mɔgɔfin kuma tɔ

^50-51 Mɔgɔ do le be ɲɔ nun, a tɔgɔ Yusufu. Mɔgɔ telendeŋɛ le mu a la, a kaɲin. A be bɔɔren Arimati saa min be Yahudenu la duge tɔ. A be kuntigenu la mamadɛŋɛ ɲaama, kɔnɔ a bele basanden anu la koenu nun anu la natanu fɛ, a be a yili sɔren Ala la mansabaya le ma.

Luki 23:50 ပူးပေါင်းရင်းမြစ်များ

Luki 2:25

Wo ka a taran, kaye do be nun Darisalamu min tɔgɔ Simeyɔn. Wo kaye telenta, a mu Ala ɲala kilanna le la. A be bani Isirayila mɔgɛnu la jusu makimala kɔnɔnden. Ala Hakkili saniyandeŋɛ be a fɛ.

Kiilanu 10:2

Ala ɲalakilan mɔgɛ le mu a la, a nun a la denbaya bɛ be Ala batula. A be Yahude jama kɔla ko siyama la, a mɛn be Ala mataraŋɛ mala tɛmuɛ bɛ.

Kiilanu 10:22

Anu ko: «Kɔrɔnɛyi sɔɔri kɛmɛ la kuŋɛ le be mɔ kiiren. A mu kayi telendeŋɛ le la, a be kilanden Ala la, Yahude jama bɛ mɛn be a tɔgɔ ɲinma fɔla. Awa, maleka saniyandeŋɛ bata wahau lake wolo ma, aa a ni mɔgɛnu kii i kɔma, i ni taga a bata, alako a ni i la kumanu mɔɛ.»

Kiilanu 11:24

Ale Baranabasi mu kayi ɲinma le la, Hakkili Saniyandeŋɛ barikɛ be a ma, a la dɛnkɛnɛya tugun kolo. Awa, mɔgɔ siyama bata sa jama kunma minnu be dɛnkɛnɛyaren Marige ma.

Kiilanu 13:29

Sɛbɛre ka min bɛ fɔ a la ko tɔ, anu ka wo lakamali wagate min tɔ, anu ka a fure bɔɔ lɔgɛ tɔ, anu ka a lajigi, anu ka a sa gabure tɔ.