Luki 21:12 - Ala la kitabuenu Mɔgɔfin kuma tɔ

¹² Kɔnɔ yannun wo koenu bɛ ni ma, mɔgɛnu si wo jokki anu ni wo bita ka wo ɲagankata. Anu si wo don kawandi ma boŋɛ kuntigenu bolo, ka wo sa geele tɔ. Anu si wo doni kiiti dula mansanu bata, anun jamanɛ tigenu bata. Wo ɲagankata bɛ be wo masɔtɔla nde le la ko sabu la.

Luki 21:12 ပူးပေါင်းရင်းမြစ်များ

Luki 21:11

Dula siyama tɔ, dugu sɛrɛŋɛ belebele si ma, kɔnkɛ anun bandiya koroŋɛnu tugun si don duge la. Ko makilandeŋɛnu anun misali banbanu si yen saŋɛ tɔ.

Yaya 15:20

Wo hakkili to n na kuma ma n ka min fɔ wo ye, n ko: joŋɛ ma fisa a tige ko. Anu to bata kiti nde ɲagankata koe la, anu si wole tugun ɲagankata le. Kɔnɔ ka anu be nde la kuma labaturen, anu si wole tugun tɛŋɛ labatu le.

Yaya 15:21

Wo butɔ, anu si wo koe bɛ ma n tɔgɛ le la ko la, bayi anu ma n Kiilá lɔn.

Kiilanu 22:30

Wo tabantaka, sɔɔri mansa banba ka sarika lakela kuntigenu, anun Yahude kuntigenu bɛ yamɔri, anu ni naa madɛn, bayi Yahudenu be Pɔlu siɲɛren koe min na, a sɔgɔ be a la, a ni tɔɲa lɔn wo tɔ. Wo butɔ, a ka Pɔlu fulen, a ka a nati a ka a sɔ anu tɛma.

Kiilanu 5:40

Wo butɔ, anu ka kiilanu kele anu ka anu botege, anu mɛn ka anu latɔn kuma koe la Isa tɔgɛ la bitugun. Wo kɔma, anu ka anu boloka.

Kiilanu 8:3

Wo wagate, Sɔlu tugun tota diginna dɛnkɛnɛyabaga jama ma anu halagi koe la: a tota donna boŋɛnu bɛ tɔ dɔndɔ dɔndɔ, a ni dɛnkɛnɛyabaganu sabaa, musu nun kaye, a ni anu sa geele tɔ.

Kiilanu 9:4

A boeta duge tɔ, a ka kulɛ do mɔɛ a be a fɔla a ye: «Sɔlu, Sɔlu, i be kitiren n ɲagankata koe la fenna?»

1 Piyɛri 2:13

Awa, kuntige minnu bɛ be mɔgɛnu tɛma, wo ni wo yɛtɛ majigi anu ye wo Marige la ko sabu la. Yamɔre be donden ande le bolo, a mata mansa banba la ba, mɔgɛ min na mansaya sɛnbɛ kolo mansa bɛ ko,