Luki 2:41 - Ala la kitabuenu Mɔgɔfin kuma tɔ

⁴¹ San yo san, Isa tigenu si taga Darisalamu, Hɔrɔya Sale tɔ.

Luki 2:41 ပူးပေါင်းရင်းမြစ်များ

Hɔrɔya 12:11

Wo be a dɔmɔla le wo be wo la doroki banba tɛ kitiren, wo la samata be wo kɛŋɛ tɔ, wo la tungare be bitaren wo bole la. Wo be a dɔmɔla le teriya la. Malatanga Saya Maleka ma sale le mu. Wo be a mala nde Alatala la biliya le butɔ.

Hɔrɔya 12:14

Wo lɔ́gɛ́ be mala wo ye matalɔŋɛ le la. Wo ni a ma sali lɔ́gɛ́ la nde Alatala la biliya butɔ. Wo nun wo bɔnsɛ bɛ be kɛnɛ kɛ sale mala le iko nde Alatala be min yamɔre saren abada.

Hɔrɔya 34:23

San dɔndɔ kɔtɔ, kaye bɛ si na le nde Alatala batu koe la, nde bani Isirayila Marige Ala ɲakɔtɔ kunɲama saba.

Lewi bɔnsɛnu la sariya 23:5

«San yo san, kari fɔlɛ tele tan nun naani, fitiri warawara, Saya Maleka Tanbi sale bɛnta a ni ma. Wo ni sarika bɔɔ nde Alatala ye.

Luki 2:42

Isa la sɔtɛ ka san tan nun fila bɔɔ san min na, ale tugun tagata sale tɔ, a nun a tigenu, iko anu darita a la ki min na.

Yaya 11:55

Wo ka a taran, Yahudenu la Hɔrɔya Sale bata sutuya. Jamanɛ mɔgɔ siyama tagata Darisalamu, alako anu ni saniyan yannun Sale be kela.

Yaya 13:1

Yannun Hɔrɔya Sale ni ke, Isa ka a lɔn ka a fɔla a bɔɔ wagate bata ke kɛ dunuya, saagila a Baaba dula. A yɛtɛ tɛn mɔgɛ minnu be dunuya, a ka wonu kanu le kanunteya la min dan bele.

Yaya 2:13

Yahudenu la Hɔrɔya Sale la sutuyareŋɛ, Isa tagata yɛlɛ Darisalamu.

Yaya 6:4

Wo ka a taran, Yahudenu la murade Hɔrɔya Sale bata sutuya.

1 Samiyɛli 1:21

Awa, wagati do latanbireŋɛ, Elikana mɛn tayɛlɛta Silo saa tɔ, a nun a la denbaya bɛ, anu ni sarika bɔɔ Alatala ye iko anu darita a mala ki min na san yo san, a mɛn ni a la lahiri lakamali a ka min jigan nun.

1 Samiyɛli 1:3

San yo san, Elikana be bɔɔla le a bata saa tɔ, a ni yɛlɛ Silo saa tɔ, Alatala dunuya bɛ da Mansa be batula dula min tɔ, a ni sujudu ɲɔ, a mɛn ni sarikanu bɔɔ a ye ɲɔ. Eli la den fila le be ɲɔ, Hofuni nun Finehasi, minnu be maren Alatala la sarika lakelánu la.