Luki 2:21 - Ala la kitabuenu Mɔgɔfin kuma tɔ

²¹ Bɔɔbɛ la sɔtɛ tele sagin luŋɛ to kamalita, a bɛnta a ni sunna lun min na, anu ka a tɔgɔ sa Isa, maleka ka tɔgɛ min fɔ a nɛɛnɛ ye yannun a ni a bue jigan.

Luki 2:21 ပူးပေါင်းရင်းမြစ်များ

Ko fɔlɔfɔlɛ 17:12

Ka bɔɔ wole ma han wo bɔnsɛnu, kayenu minnu bɛ be wo tɛma, a bɛ ni sunna a la sɔtɛ tele sagin luŋɛ ma, hali joŋɛnu. Jon min yo sɔtɔta i bata, i ni a sunna. I ka jon min yo san nafule la kan do, hali a ma ma i bɔnsɔ la, i ni wo tugun sunna.

Lewi bɔnsɛnu la sariya 12:3

Tele sagin luŋɛ deŋɛ ni sunna.

Luki 1:31

I hakkile to, i si naa bue jigan i ni den kayireŋɛ sɔtɔ. I si a tɔgɔ sa Isa.

Luki 1:59

A tele sagin luŋɛ anu nata bɔɔbɛ sunnadula, anu dita a tɔgɔ sala a baaba Jakariyawa la,

Filipi 2:8

A la nareŋɛ adamadeŋɛ kɛɲa ma, a ka a yɛtɛ majigi. A tota Ala sagoe tɔ, han a ka saya sɔtɔ wo butɔ; a faga ɲa ɲan, anu ka a banban lɔgɔ bangalandeŋɛ le tɔ.