Luki 16:15 - Ala la kitabuenu Mɔgɔfin kuma tɔ

¹⁵ A ka a fɔ anu ye, a ko: «Wo be wo yɛtɛ maren mɔgɛnu ɲala telenbaganu la, kɔnɔ min be wo sondoŋɛ tɔ, Ala ka wo bɛ lɔn. Wo ni a lɔn, min tɔnɛ kolo mɔgɛ ye, wo mu tana le la Ala ye.

Luki 16:15 ပူးပေါင်းရင်းမြစ်များ

Luki 10:29

Kɔnɔ wo karamɔgɛ to be diren tɔɲa diila a fan de ma, a ka Isa maɲininka, a ko: «Bɔ, n mɔgɔɲɔgɛ mu ɲɔmɔ le la?»

Luki 11:39

Marige Isa ka a fɔ a ye: «I tɔɲa, wole Farisinu be wo bale le saniyanna, a taranden wo jusu butɔ be nɔgɔren miilanteya nun ko koroŋɛ mɔɔle bɛ la. A be toren iko mɔgɛ ni pɔɔte nun pilete kɔma ko, a ma a butɔ ko.

Luki 18:11

Farisi sɔta ɲatɔ, a be Ala mataranna, a ko: ‹Ala, n be i tantula bayi n bele toren iko mɔgɔ tɔɛnu, minnu be kankaya mala, anu be telenbaliya mala, anu be jeena tugun mala. Iyon, n be i tantula bayi n bele toren iko kɛ duuti makelela.

Luki 18:14

Isa mɛn ko: «N ni a fɔ wo ye: kɛ duuti makelela to saagita a bata boŋɛ tɔ, Ala ka ale le bita mɔgɔ telendeŋɛ la, ka tanbi Farisi kayi la. Mɔgɔ yo mɔgɔ min be a yɛtɛ mayɛlɛla a si naa majigi le; min tugun be a yɛtɛ majigila a si naa mayɛlɛ le.»

Luki 18:21

Kuntige ko: «N ka wo bɛ labatu kabɔɔ n denden tɛmuɛ.»

Luki 18:9

Isa mɛn ka taale do sa mɔgɛnu ye minnu be laaren anu yɛtɛ la, anu ko anu telenta, anu be anu fan nakoloyala mɔgɔ tɔɛnu ye.

Luki 20:20

Sariya karamɔgɛnu anun sarika lakela kuntigenu tota Isa kɔrɔsila. Wo butɔ, anu ka mɔgɛnu kii, anu ni a janfa. Wonu be anu yɛtɛ maren iko mɔgɔ telendeŋɛnu, adun anu be diren Isa bitala a la kuma la. Wo butɔ, kuntigenu si nɔ a tola dugu mansa sagoe tɔ, a ni to a la yamɔre nun a la nɔɛ kɔtɔ.

Luki 20:47

Anu be furuɲa musenu bolofeŋɛnu bɛ dɔmɔla, anu mɛn be wagati yanfama mala Ala mataraŋɛ la iko anu be Ala kanuren de. Wo butɔ, anu si ɲagankata bɛlɛma doni le min fisa doenu tɛŋɛ ko.»

Yaya 2:25

Adamadeŋɛ la ko ɲatabɔla Isa ye, wo sɔdula yo bele, bayi a yɛtɛ be mɔgɛ bɛ jusu butɔ koe lɔnden.

Yaya 21:17

A ka a maɲininka a kunɲama sabaɲɔgɛ la, a ko: «Simɔn, Yaya la den kayireŋɛ, n di i ye ba?» Piyɛri suunuta, bayi Isa ka a ɲininka a kunɲama sabaɲɔgɛ la, ka a di a ye. A ka a jaabi: «Marige, ile ka koe bɛ lɔn, ile ka a lɔn i di n ɲɛ.» Isa ka a fɔ a ye: «Awa, n na saakanu daɲini.

Kiilanu 1:18

Awa, a la wo wali koroŋɛ sɔŋɛ, a ka duge sɔngɔ do san wo la. A boeta a kuŋɛ ma ɲɔ, a bue farata, a tetekenu bɛ bɔɔta.

Kiilanu 1:24

Anu ka mamataraŋɛ ma, anu ko: «Marige, ile min ka mɔgɛ bɛ sondoŋɛ butɔ koe lɔn, a yita mɔ la i be min masubɛren kɛ mɔgɔ fila tɔ,

Kiilanu 15:8

Ala min ka mɔgɛ sondoŋɛ butɔ koe lɔn, wo ka a Hakkili Saniyandeŋɛ dii anu ma, iko a ka a dii mɔ ma ki min na, wo butɔ a ka a yita anu la a beeyareŋɛ la anu bata ma a tɛŋɛ la.

1 Piyɛri 3:4

Musenu, wo la ɲiɲa ni ma jusu ɲinmaya, jusu sɛɛya nun sabare le la. Ɲiɲa le wo la min te tiɲa. Wolo sɔdula kolo Ala ye.

1 Piyɛri 5:5

N bata wole fonikenu tugun nalimaniya, wo ni wo yɛtɛ majigi wo la kayibanu ye. Wo bɛ ni wo yɛtɛ majigi ɲɔgɔn ye, bayi a be sɛbɛren de: «Ala be fan nakoloyalá kɛlɛla le, kɔnɔ a be hinnɛla le yɛtɛ majigilá kan na.»

1 Samiyɛli 16:7

Kɔnɔ, Alatala ka a fɔ Samiyɛli ye: «I kana a bale le fɛlɛ de, ka wo ma a la kayanya. Bayi nde bele ale le masubɛren. Nde la mamasubɛ bele toren de iko mɔgɛnu. Mɔgɛnu ɲa be min yenden, anu be wolo makiitila. Alatala kan ɲa be sɔren mɔgɛ juse le la.»