Luki 12:19 - Ala la kitabuenu Mɔgɔfin kuma tɔ

¹⁹ Wo tini ban, n ni a fɔ n yɛtɛ ye: kayi, fondo siyama be mandiren n bolo, min si san siyama bɔɔ n bolo. N ni n sulen, n ni dɔmɔre ma, n ni minfeŋɛ min, n ni sɛɛwa.›

Luki 12:19 ပူးပေါင်းရင်းမြစ်များ

Luki 12:18

A mɛn ka a fɔ, a ko: ‹N be min mala, n ni n na dɔmɔ mandi dulanu laboe. Minnu fisa koloyala, n ni wonu sɔ. N si n na sɛnɛtɔfeŋɛ bɛ anun n bolofeŋɛ madɛn de ɲɔ.

Luki 16:19

Wo kɔma Isa ka taale sa mɔgɛnu ye, a ko: «Nafulu tige do le tota ɲɔ. Tɛmuɛ bɛ, doroki banba ɲinma sɔn bɛlɛŋɛ be lajigiren a ma. Lun go lun a be murade sɔla ka a diyanankoe ma.

Luki 21:34

Awa, wo ni wo yɛtɛ mɛnni: wo kana to minfeŋɛ banba minna, wo ni siisi, han wo sondoŋɛ ni dese; wo kana kɔntɔfili dunuya sigi ɲa la, alako wo luŋɛ kana wo latɛrɛnna.

Filipi 3:19

Anu la ban ɲa si ma anu ye halage la. Anu fan diyanankoenu bata ma anu la ala la. Anu be anu fan tajiganden min na, wolo be naala anu malula. Anu hajue be dunuya koenu le tun ma.

Yaguba 5:5

Wo la dunuya takunte butɔ, wo be wo diyanankoenu tun de tɔ. Wo be wo yɛtɛ le tun nafala iko kolofen kɛndeŋɛnu min kannatɛgɛ luŋɛ bata ke.

1 Piyɛri 4:3

Wo ⸂mɔ⸃ be wagate min maren Ala lɔnbalenu la diyanankoe kɔma, wo ɲan bata kun. Wo bata mɛ jalonya mala wagati tanbireŋɛ tɔ, hanige koronya, siisi koe, muradi koroŋɛ, beeri min tolon koroŋɛ, anun kuye batu koe, min be maren ko kɔndeŋɛ la.

1 Samiyɛli 30:16

Awa, wo Misira kaa ka anu doni Amaleki kaanu dula, anu ka a taran, anu be labolokaren duge dula bɛ ma, anu be anu daɲinila, anu be beere minna, anu be murade sɔren feŋɛnu bɛ la ko la, anu be minnu bosiren Filisiti nun Juda dugenu tɔ.