Luki 12:1 - Ala la kitabuenu Mɔgɔfin kuma tɔ

¹ Wo wagate tɔ, mɔgɔ siyama madɛnta Isa la miliŋɛ tɔ, han mɔgɔ wulu wulu, fɔ anu tota sɔla ɲɔgɔn kɛŋɛ tɔ. A ka kumare fɔlɔ a la talibenu ye betunna, a ko: «Wo kana kafu Farisinu la nɛnfilatigiya ma min si don koe bɛ tɔ iko lɛbinɛ.

Luki 12:1 ပူးပေါင်းရင်းမြစ်များ

Luki 11:44

Ɲagankata be wo ye, bayi wo be toren iko gaburenu minnu bele manditɛren. Mɔgɛ minnu be tagamanna wonu kunma, anu ma a lɔn gabure le.»

Luki 12:56

Manditɛ minnu be mala saŋɛ nun duge tɛma, wo kusan wonu tɛtɛgɛbɔla. Ala be koe minnu mala bi jamanɛ tɔ go, wole nɛnfilatigenu, fen de wo te nɔ wonu tugun tɛtɛgɛbɔla?

Luki 5:1

Lun do, Isa be sɔren Genesarɛti ba dala, jama nata a lamilin han anu ka a kɛtɛn, Ala la kuma mɔɛ koe la.

Luki 5:15

Isa la ko kibare tota malansanna dula bɛ tɔ, a tanbita a fɔlɔnɛŋɛ la. Jama banba be madɛnna a kulɛ lamɔɛdula, anun anu la bandenu lakendeyadula.

Luki 6:17

Isa nun a la kiilanu jigita kɔnkɛ la, a tagata sɔ dugu dala kanyareŋɛ tɔ. A la talibe siyama be ɲɔ, jama banba tugun be ɲɔ kabɔɔ dula siyama tɔ. Donu be bɔɔren Darisalamu, donu be bɔɔren Juda duge saa tɔɛnu tɔ. Donu tugun be bɔɔren Tiiri nun Sidɔn jamanɛnu tɔ, minnu be ba dala.

Kiilanu 21:20

Anu to ka wo mɔɛ, anu ka Ala matɔgɔ, anu mɛn ka a fɔ Pɔlu ye: «Mɔ nɛɛnɛdɔndɛ, i bata a yen, Yahude wulu siyama bata dɛnkɛnɛya, adun anu bɛ be Musa la sariya labaturen a bɛlɛma la.

Yaguba 3:17

Kɔnɔ fahamuɛ min be bɔɔren saŋɛ tɔ, wo saniyanta. A be mɔgɛ min bolo, wo tigi be bɛnɲɔgɔya anun diɲa le ɲinila, a la ko ma bɛlɛ. A juse be faren kinikinɛ nun wali ɲinma tun de la. A te mɔgɛ lafisaya mɔgɛ ko, filankafuya te to a bolo.

1 Piyɛri 2:1

Wo butɔ, wo ni ko koroŋɛ mɔɔle bɛ boloka. A mata foniya la ba, filankafuya, miilanteya, anun mɔgɔ tɔgɔtiɲa mɔɔle bɛ, wo ni a bɛ boloka.