Luki 10:42 - Ala la kitabuenu Mɔgɔfin kuma tɔ

⁴² Kɔnɔ ko dɔndɔ pɛti le tɔnɛ kolo. Mariyama le bata wo tɔnɛ masubɛ. Fenfen te wo bɔɔ a bolo.»

Luki 10:42 ပူးပေါင်းရင်းမြစ်များ

Luki 10:39

Marata dɔgɔ musuma tugun be ɲɔ, a tɔgɔ Mariyama. Mariyama tagata sigi Marige Isa kɛn kɔtɔ, a be a tolomasɔren a la kuma la.

Luki 11:1

Lun do, Isa be Ala mataraŋɛ tɔ kan do. A to ka a ban, a la talibe do ka a fɔ a ye, a ko: «N marige, i ni mɔ degen Ala mataraŋɛ la, iko Yaya ka a la talibenu degen ki min na.»

Luki 12:20

Kɔnɔ Ala ka a fɔ a ye, a ko: ‹Ile, mira bale, bi sue yati n si i nɛ maɲininka le i ma. A mɛn, i be min bɛ madɛnden, kɔtɛ a be tola ɲɔmɔ le ye?›»

Luki 12:33

Wo wo bolofeŋɛnu mayita wo ni tɔɔrɔbaganu kɔ wo nɛgɛ la. Wo ni harige madɛn wo yɛtɛ ye arijanna, wo harige la ko te kɔtɔya, a mɛn te tiɲa abada; kankante yo te ke a ma ɲɔ, tunbe tugun te tiɲare ma ɲɔ.

Luki 16:2

A ka a kele a ka a fɔ a ye, a ko: ‹N bata kuma do mɔɛ i la ko tɔ. Wo be kama le? I ka fenfen ma n na nafule la, na a bɛ dantɛgɛ n ɲɛ. I te nɔ mala n na nafulu makantala la bitugun!›

Luki 16:25

Iburahima ka a jaabi, a ko: ‹N na deŋɛ, i mira koola. I la dunuya takunte sɔnɔyata le i bolo a ɲinma la, wo ka a taran Lasari kan be tɔɔrɔren koola. Kɔnɔ bi, a juse be kimaren yan, ile kan be ɲagankata tɔ.

Luki 18:22

Isa to ka wo mɔɛ, a ka a fɔ a ye, a ko: «Ko dɔndɔ be toren i ye manɛŋɛ la: taga i bolofeŋɛ bɛ mayita, i ni wo nafule mafatan fugarenu ma. Wo butɔ, harige si to le i ye arijanna butɔ. Ka i ka wo ban mala, i ni na sɔ n kɔma.»

Luki 8:18

Wolo mu, a bɛnta wo ni wo tolomasɔ Ala la kuma la koola: ka min ka a bita a ɲinma la, Ala si naa a kɔ do tugun na, kɔnɔ ka min ma a bita, hali a be a miraren min den be a bolo wo si bɔɔ le a bolo.»

Yaya 11:1

Kaye do le be ɲɔ nun, a be bandiren, a tɔgɔ Lasari. A nun a barenmusenu Mariyama nun Marata be sabatiren Betani saa tɔ le.

Yaya 11:19

Awa, Juda kaa siyama bata na nun Mariyama nun Marata dɔgɛ la faga kɔntɔre la.

Yaya 12:3

Awa, Mariyama ka labundɛ sɔn bɛlɛŋɛ bitira litari tɛma jigan, min be bɔɔren Narida lɔgɔ je doro tɔ, a ka a madon Isa kɛŋɛnu ma a ka anu mafitan a kunsige la. Labundɛ kuɲɛ diyama ka boŋɛ butɔ bɛ bita.

Yaya 17:3

Abada kise le mu ka: anu ni i lɔn, i mu min na, ile Ala dɔrɔn, tɔɲa tige, anu mɛn ni nde Isa Ala la mɔgɔ masubɛreŋɛ lɔn, i ka min nasanba.

Yaya 4:14

Kɔnɔ ka nde ka je dii mɔgɛ min ma, ka a ka a min, ji sɔgɔ te a bita bitugun. N be je min diila a ma, wo je si ma le a juse tɔ tenge la, a ni siya han a ni tanbi a tɔ, a ni abada kise dii a ma.»

Yaya 5:24

N ni tɔɲa beeyareŋɛ fɔ wo ye, min ka n na kuma mɔɛ, a ka a bita, a dɛnkɛnɛyata n Kiila ma, abada kise be wo tigi ye. A te bɛn kiite ma. A ɲan bata bɔɔ bɔnɛ tɔ, ka don kise tɔ.

Yaya 6:27

Wo kana kata de dɔmɛ sɔtɔ koe la min be bɔrɔla. Wo kata dɔmɛ la ko la, min si mɛ a ni abada kise dii wo ma. Nde Adamadeŋɛ si wo dɔmɛ dii wo ma, bayi n Baaba Ala la manditɛ be nde le ma.»