Luki 10:16 - Ala la kitabuenu Mɔgɔfin kuma tɔ

¹⁶ Isa ka a fɔ a la talibenu ye, a ko: «Mɔgɔ min bata wo tɛn kumari kulɛ lamɔɛ a ka a bita, wo tigi bata nde kulɛ bita. Min ka wo kulɛ lafili, a bata nde kulɛ tugun nafili. Min ka nde kulɛ lafili, wo bata Ala tugun nafili min be n kiiren.»

Luki 10:16 ပူးပေါင်းရင်းမြစ်များ

Hɔrɔya 16:7

Sinan saguma wo si naa Alatala la nɔɔra yen de, bayi a bata wo la kuma mɛsɛŋɛ mɔɛ ale mafanna. Mɔle ɲan mu fen na? Wo bele kuma mɛsɛŋɛ kitiren mɔle len na de.»

Hɔrɔya 16:8

Musa ka a fɔ, a ko: «Alatala si sube dii le wo ma bi wura la wo si min dɔmɔ. Saguma tugun a ni dɛgɛ dii wo ma min si wo fa. Wo be kuma mɛsɛŋɛnu minnu mafɔla a ma, a bata anu mɔɛ. Fenfen ma mɔle la. Wo bele a fɔla mɔle le ma de, wo be a fɔla Alatala le ma.»

Luki 9:48

a ka a fɔ talibenu ye, a ko: «Ka mɔgɛ min ka kɛ dendeŋɛ biliya n tɔgɛ la, wo tigi bata nde le yɛtɛ biliya. Min be n biliyala, a bata n kiila biliya. Min dɔgɔ wo bɛ tɛma wolo mu mɔgɔ banba la.»

Yaya 12:44

Isa ka a kulɛ mayɛlɛ, a ko: «Min tini dɛnkɛnɛya n ma, wo bele dɛnkɛnɛyaren nde ma, a be dɛnkɛnɛyaren n Kiilá le ma.

Yaya 12:48

Min tini n aɲɛ, a ma sɔn n na kumanu bitala, do be ɲɔ min si wo tigi makiiti: n ka kuma min fɔ, wolo be a makiitila kiiti sa luŋɛ sinan.

Yaya 13:20

N ni tɔɲa beeyareŋɛ fɔ wo ye: min yo ka n na kiilá labɛn, a bata nde labɛn, min ka nde labɛn, wo bata n Kiilá labɛn.»

Kiilanu 5:4

A ma san wagate min tɔ, i tɛŋɛ ma a la nun ba? A sandeŋɛ kɔma, a sɔŋɛ bele i sagoe tɔ ba? Kɛ mira donta i tɔ fenna? I ma foniya fɔ mɔgɛnu ye, i ka a fɔ Ala yɛtɛ le ye.»

1 Tesaloniki 4:8

Wo butɔ, mɔgɔ min be balanna kɛ koe labatula, a bele balanden mɔgɔ le ye, fɔ Ala, min ka a Hakkili saniyandeŋɛ dii wo ma.