Lewi bɔnsɛnu la sariya 4:31 - Ala la kitabuenu Mɔgɔfin kuma tɔ

³¹ A ni kɛ́ŋɛ bɛ bɔɔ baa tɔ, iko kanunteya sarika be mala ki min na, a ni wo bintan sarika bintandula kunma, a ni ma kuɲɛ diyama la nde Alatala ye. Wo butɔ, sarika lakelá be sarika bɔɔla le mɔgɛ ye min si a kunka, alako a la junube ni kafari.

Lewi bɔnsɛnu la sariya 4:31 ပူးပေါင်းရင်းမြစ်များ

Ko fɔlɔfɔlɛ 8:21

Wo sarika kuɲɛ diyata Alatala ye. A ka a hanige, a ko: «N te duge barikɛ bɔɔ bitugun adamadeŋɛ la ko la. Tɔɲa le, n ka a lɔn ka bɔɔ anu denden tɛmuɛ, anu la mira be tabɛnden ko koron ma le ma. Kɔnɔ n te sɔn nilamanu bɛ halagila bitugun iko n bɔɔren a mala ki min na.

Hɔrɔya 29:18

I ni a sube bɛ bintan sarika bintandula kunma. Sarika bintannɛŋɛ le mu wo la nde Alatala ye, ta be min bintanna, a kuɲɛ diyama ni yɛlɛ nde Alatala ma.

Lewi bɔnsɛnu la sariya 1:13

Kɔnɔ a tetekenu nun a kɛŋɛnu kan, sarika lakelá ni wonu lako je la. Jɔnɔn a ni wo bɛ madɛn sarika bintandula kunma, a ni a bintan. Wonu bɛ mu sarika bintannɛŋɛ le la min kuɲɛ di nde Alatala ye.

Lewi bɔnsɛnu la sariya 1:17

Wo kɔma, a ni konden tɔɛ fara, hali a ma a gabataŋɛnu lafatan ɲɔgɔn na, a ni a bintan ta la, a ni ma sarika bintannɛŋɛ la min kuɲɛ di nde Alatala ye.»

Lewi bɔnsɛnu la sariya 1:9

Kɔnɔ a tetekenu nun a kɛŋɛnu kan, wonu ni lako je la. Jɔnɔn sarika lakelá ni wo bɛ bintan sarika bintandula kunma. Wonu bɛ mu sarika bintannɛŋɛ le la min kuɲɛ di nde Alatala ye.

Lewi bɔnsɛnu la sariya 14:18

Tulu tɔɛ min tota sarika lakelá bolo butɔ, a ni wo sa bandibaga kuŋɛ ma. Awa, sarika lakelá be wo bandibaga kunsarala nde Alatala ɲala ɲɔgɔnna le.

Lewi bɔnsɛnu la sariya 15:15

Sarika lakelá ni dɔndɛ bɔɔ junubu kafari sarika la, doe sarika bintannɛŋɛ. Wo butɔ, sarika lakelá ni a kunsara a la bandiya la ko la nde Alatala ɲala.

Lewi bɔnsɛnu la sariya 19:22

Sarika lakelá ni wo saaka kontoŋɛ ma kunsara la a ye Alatala ɲala. A ni ma fan nasaagi sarika la alako a be junube min maren, a ni kafari.

Lewi bɔnsɛnu la sariya 2:2

A ni a don Harona la deŋɛnu sarika lakelanu bolo. Sarika lakelá do ni sugu kolo munge bolo ɲa dɔndɔ kɔɔ, tule be saren min kunma, a nun sorayi, a ni wo bɛ sa ta tɔ, a ni bintan nde Alatala ye. Wo bolo ɲa dɔndɔ kɔɔreŋɛ ni ma tɔnkuma la wo sarika bɛ la ko tɔ. Sarika le mu min kuɲɛ di nde Alatala ye.

Lewi bɔnsɛnu la sariya 2:9

Sarika lakelá ni do jigan min si ma tɔnkuma la wo sarika bɛ la ko tɔ, a ni wo bintan sarika bintandula kunma, a ni ma sarika la, min kuɲɛ di nde Alatala ye.

Lewi bɔnsɛnu la sariya 4:19

A ni kɛ́ŋɛ bɛ bɔɔ tuura tɔ, a ni wo kɛ́ŋɛ bintan sarika bintandula kunma.

Lewi bɔnsɛnu la sariya 4:26

A ni kɛ́ŋɛ bɛ bintan wo sarika bintandula kunma, iko kanunteya sarika be mala ki min na. Wo butɔ sarika lakelá be sarika bɔɔla le min si wo kuntige kunka, alako a la junube ni kafari.

Lewi bɔnsɛnu la sariya 4:35

A ni kɛ́ŋɛ bɛ bɔɔ saaka tɔ, iko kanunteya sarika be mala ki min na, a ni wo bintan sarika doenu kunma minnu be kɛnɛ bintanna sarika bintandula kunma. Wo butɔ sarika lakelá be sarika bɔɔla le mɔgɛ ye min si a kunka, alako a la junube ni kafari.»

Lewi bɔnsɛnu la sariya 5:10

Sarika lakelá ni wo konden filaɲɔgɛ bɔɔ sarika bintannɛŋɛ la iko a bɛnta mala ki min na. Wo butɔ, sarika lakelá be sarika bɔɔla wo mɔgɛ tigi ye min si a kunka, alako a be junube min maren, a ni kafari.

Lewi bɔnsɛnu la sariya 5:6

A ni saaka muse bɔɔ sarika la, ka wo ma baa muse. Wo kolofeŋɛ ni ma fan nasaagi sarika la nde Alatala ye. Awa, sarika lakelá si a kunka wo la, alako a la junube ni kafari.

Lewi bɔnsɛnu la sariya 8:21

A ka saaka tetekenu nun a kɛŋɛnu lako, a naata na saaka kontoŋɛ wunde bɛ bintan ta la sarika bintandula kunma sarika bintannɛŋɛ la, min kuɲɛ di Alatala ye. A ka wo bɛ ma le iko Alatala ka a yamɔri ki min na nun.