Lewi bɔnsɛnu la sariya 27:17 - Ala la kitabuenu Mɔgɔfin kuma tɔ

¹⁷ Ka a bata a la sɛnɛ kɛrɛkɛrɛ Hɔrɔya Saŋɛ butɔ, a sɔŋɛ yati le be diila, a te masara.

Lewi bɔnsɛnu la sariya 27:17 ပူးပေါင်းရင်းမြစ်များ

Lewi bɔnsɛnu la sariya 25:10

Wo ni wo san bi looluɲɔgɛ kɛrɛkɛrɛ a ni ma Hɔrɔya Saŋɛ la jamanɛ mɔgɛ bɛ ye. A bɛ ni hɔrɔya; a bɛ ni tasaagi sabatila a bata, a bɛ ni saagi a bareŋɛnu ma.

Lewi bɔnsɛnu la sariya 25:11

San bi loolu yo san bi loolu, wo be mala wo ye Hɔrɔya Saŋɛ le la. Wo kana suge ki, wo kana kifeŋɛ wolenu nun rɛsɛn wolenu tɛgɛ minnu be bulala anu yɛtɛ ma.

Lewi bɔnsɛnu la sariya 25:13

Wo Hɔrɔya Saŋɛ butɔ, bɛ ni saagi sabatila a la duge tɔ.

Lewi bɔnsɛnu la sariya 25:9

Wo san bi looluɲɔgɛ kari wɔrɔwilaɲɔgɛ tele tan luŋɛ, wo ni binanu fe jama ye duge butɔ. Kunsara luŋɛ le mu, wo ni bina fe wo la jamanɛ bɛ tɔ.

Lewi bɔnsɛnu la sariya 27:14

Ka mɔgɔ do ka a la boŋɛ kɛrɛkɛrɛ nde Alatala ye, a kaɲin ba a ma kaɲin ba, sarika lakelá ni a sɔŋɛ fɔ a si san min na. Wo ni ma a sɔŋɛ la.

Lewi bɔnsɛnu la sariya 27:16

Ka mɔgɔ do bata a la sɛnɛ do kɛrɛkɛrɛ nde Alatala ye, a sɔŋɛ be fatanna suge kɔnte le la min si nɔ foyila ɲɔ. Kaalisi kolo bi loolu ni dii tɔwa kilo kɛmɛ saba kɔnte la.

Lewi bɔnsɛnu la sariya 27:18

Ka a bata a la sɛnɛ kɛrɛkɛrɛ Hɔrɔya Saŋɛ tanbi kɔma, sarika lakelá ni saŋɛnu kɔnti minnu be toren yannun Hɔrɔya Saŋɛ doe ni ke. A ni do bɔɔ sɛnɛ sɔŋɛ la.