Lewi bɔnsɛnu la sariya 25:23 - Ala la kitabuenu Mɔgɔfin kuma tɔ

²³ Wo kana duge mayita dɔndɛ la kudai, bayi nde Alatala le tan mu duge la. Wo be toren de iko luntaŋɛnu minnu be yigiyaren n bata.

Lewi bɔnsɛnu la sariya 25:23 ပူးပေါင်းရင်းမြစ်များ

Ko fɔlɔfɔlɛ 23:4

a ko: «Nde mu luntaŋɛ le la, n be sigiren wo bata yan. Wo dula do san n ma, alako n ni a ma gaburudula la, n ni n na muse mandi ɲɔ, a ni yanfaya n na.»

Ko fɔlɔfɔlɛ 47:9

Yaguba ka a jaabi, a ko: «N na simaya san kɛmɛ san bi saba le ka. N be yirindi yirindila, bɔɔla jamanɛ do tɔ n ni taga do tɔ. N ɲan ma simaya banba sɔtɔ iko n baabanu ka a sɔtɔ ki min na, minnu tota yirindila nun anu ni taga dula do tɔ. Wo butɔ, n mɛn bata tɔɔrɔ banba sɔtɔ dunuya.»

Hɔrɔya 19:5

Kɔtɛ, ka wo ka n kulɛ bita, ka wo mɛn telenta n na lahire kuma butɔ, n ka min nakoti wo nun nde tɛma, wo si naa ma le n na jama masubɛreŋɛ la, dunuya mɔgɛnu bɛ tɛma, hali nde le to tɛŋɛ mu dunuya bɛ la.

Hɔrɔya 2:22

Wo ka den kayiren dɔndɔ sɔtɔ Musa ye. Musa ka a fɔ: «N to bata ma boribaga la luntan jamanɛ do tɔ, n be a tɔgɔ sala le ‹Gɛrɛsɔmu›.»

Lewi bɔnsɛnu la sariya 25:10

Wo ni wo san bi looluɲɔgɛ kɛrɛkɛrɛ a ni ma Hɔrɔya Saŋɛ la jamanɛ mɔgɛ bɛ ye. A bɛ ni hɔrɔya; a bɛ ni tasaagi sabatila a bata, a bɛ ni saagi a bareŋɛnu ma.

Lewi bɔnsɛnu la sariya 25:24

N be duge min diila wo ma sabati dula la, sariya le mu wo ni a to sagoe be bɛ ye ɲɔ a ni a la duge kunsara.

1 Piyɛri 2:11

N kanunteŋɛnu, wo be maren luntaŋɛnu la minnu be yigiyaren kɛ dunuya bangu munge kunma. Wo butɔ, n be wo madiyala le, wo ni wo yɛtɛ latanga dunuya diyanankoe koroŋɛnu ma, bayi anu be wo kɛlɛla Ala la kila kunma.