Lewi bɔnsɛnu la sariya 18:26 - Ala la kitabuenu Mɔgɔfin kuma tɔ

²⁶ Wole Isirayila kaanu kan, anun luntaŋɛ minnu be wo tɛma, wo ni n na sariya nun n na yamɔrenu labatu. Wo kana kɛ ko kɔndeŋɛnu yo ma!

Lewi bɔnsɛnu la sariya 18:26 ပူးပေါင်းရင်းမြစ်များ

Lewi bɔnsɛnu la sariya 17:10

Ka Isirayila kaa do, ka wo ma luntaŋɛ do min be sabatiren Isirayila kaanu tɛma, ka a ka kolofeŋɛ min yo basi min, n si n ɲamatelen wo tigi ma, n ni naa a labɔɔ a la jama ɲaama;

Lewi bɔnsɛnu la sariya 17:8

Wo butɔ, i ni a fɔ anu ye a ɲinma la, i ko, Isirayila kaa, ka wo ma luntaŋɛnu minnu be sabatiren anu tɛma, ka a ka sarika bintannɛŋɛ bɔɔ, ka wo ma sarika gbɛtɛ,

Lewi bɔnsɛnu la sariya 18:25

Anu la ko koroŋɛnu bata duge yati manɔgɔ. N bata anu ɲagankata wolo la, han duge yati be anu aɲɛla.

Lewi bɔnsɛnu la sariya 18:27

Wo be tagala sabatila duge min tɔ, ɲɔ kaanu bata wo koe mɔɔle bɛ ma nun. Kɛ duge mata dula saniyanbale la wolo la.

Lewi bɔnsɛnu la sariya 18:30

Wo ni n na yamɔrenu labatu, wo kana wo ko kɔndeŋɛnu ma iko mɔgɛ minnu be ɲɔ nun yannun wole ni ke ɲɔ. Wo kana ma mɔgɔ saniyanbalenu la. Nde le mu Alatala la, wo Marige Ala.»

Lewi bɔnsɛnu la sariya 18:5

Awa wo ni sɔ n na sariya nun n na yamɔrenu le kɔma. Mɔgɛ min be wonu labatula, a si simaya sɔtɔ le wonu sabu la. Nde le mu Alatala la.

Luki 11:28

Kɔnɔ Isa ka a jaabi, a ko: «Iyon, kɔnɔ mɔgɛnu minnu be anu tolomasɔla Ala la kuma la anu ni a makanta, wondelen na hɛra kolo.»

Luki 8:15

Suge lansanta duge kan ɲinma min tɔ, wo mu mɔgɛnu le la, minnu ka Ala la kuma mɔɛ anu ka a bita sɔɔbɛ la, sondon ɲinma anun a telendeŋɛ la. Wagati bɛ anu be timiladiyaren Ala la ko ma, wolo mu anu be mala iko sɛnɛtɔfeŋɛ to be wolola a ɲinma la.»

Yaya 14:15

Isa mɛn ko: «Ka wo be n kanuren, wo ni n na yamɔrenu labatu.

Yaya 15:14

Nde be wo yamɔrila min na, ka wo ka wo labatu, wo bata ma n kanunteŋɛnu la.