Lewi bɔnsɛnu la sariya 14:3 - Ala la kitabuenu Mɔgɔfin kuma tɔ

³ sarika lakelá ni bɔɔ daaka kɔma la wo bandibaga fɛlɛdula. Ka a bata a lɔn wo tigi bata kendeya wo bande la,

Lewi bɔnsɛnu la sariya 14:3 ပူးပေါင်းရင်းမြစ်များ

Hɔrɔya 15:26

A ko anu ma: «Ka wo ka n kulɛ lamɔɛ a ɲinma la, nde Alatala, wo la Ala, ka wo mɛn tagata telen n ɲɛ, wo ka n na yamɔre bɛ bita, wo ka n na sariya bɛ labatu, n te bandiya koron yo lasanba wo ma, iko n ka min nasanba Misira kaanu ma, bayi nde mu Alatala le la min si wo lakendeya.»

Lewi bɔnsɛnu la sariya 13:2

«Ka mɔgɛ bali bole kan do beeyata, ka wo ma a ni yiti, ka wo ma a ni ma tɛlɛ la, wo ni wo tigi doni sarika lakelá Harona dula, ka wo ma a la deŋɛ do dula.

Lewi bɔnsɛnu la sariya 13:46

Fanni wo bandiya koroŋɛ be a ma, wo bɛ a si to saniyanbaliya tɔ. Fɔ a ni to a dɔrɔn daaka kɔma.»

Lewi bɔnsɛnu la sariya 14:48

Kɔnɔ wo boŋɛ ɲiɲa tanbi kɔma, ka a taranta sarika lakelá bata saagi wo boŋɛ butɔ, a ka a yen bandiya bele tagamanden boŋɛ butɔ, a ni a fɔ, wo boŋɛ bata saniyan, bandiya bata ban ɲɔ.

Luki 4:27

Baliwulentɔɛ siyama tugun be bani Isirayila mɔgɛnu tɛma, annabi Eliyasa tɛmuɛ, kɔnɔ hali dɔndɔ ma saniyan wonu tɛma, fɔ Naaman pɛti min bɔɔta Siri jamanɛ tɔ.»

Luki 7:22

Wo butɔ, Isa ka Yaya la wo kiila fila jaabi, a ko: «Wo be min yenden yan, wo be min tugun mɔɛren, wo taga a bɛ ɲamakaran Yaya ye, wo ko: ɲabɔnɛnu ɲa bata laka, kɛn dɔndɔ tigenu bata tagaman a ɲinma la, baliwulentɔɛnu bata saniyan, tolobɔnɛnu tole bata laka, mɔgɔ fagareŋɛnu bata lawuli, kibaru ɲinma bata lake fugarenu ma.