Lewi bɔnsɛnu la sariya 11:32 - Ala la kitabuenu Mɔgɔfin kuma tɔ

³² Ka a taranta, anu fagareŋɛ boeta fondo kunma, wo tugun si ma le fondo saniyanbale la, iko fondo safeŋɛ lɔgɔnɛŋɛ, kuta, kolofeŋɛ bole, bɛkke, ka wo ma wali miraŋɛ do. A bɛnta wo fondo tigi ni sa je tɔ a ni to saniyanbaliya tɔ han wura la jɔ a ni saniyan.

Lewi bɔnsɛnu la sariya 11:32 ပူးပေါင်းရင်းမြစ်များ

Lewi bɔnsɛnu la sariya 11:31

Wo nilama mɛsɛŋɛ mɔɔlenu be haramuren de wo ma. Ka min yo magata anu fagareŋɛ la, wo si ma le mɔgɔ saniyanbale la han wura la.

Lewi bɔnsɛnu la sariya 14:46

Fanni wo boŋɛ be balanden, min yo donta a butɔ, wo tigi tugun si ma mɔgɔ saniyanbale la han wura la.

Lewi bɔnsɛnu la sariya 15:12

Kusatɔɛ tini maga lɔndɛ min na, a bɛnta wo ni te. Ka walifeŋɛ lɔgɔnɛŋɛ le, a bɛnta a ni ko je la.

Lewi bɔnsɛnu la sariya 15:15

Sarika lakelá ni dɔndɛ bɔɔ junubu kafari sarika la, doe sarika bintannɛŋɛ. Wo butɔ, sarika lakelá ni a kunsara a la bandiya la ko la nde Alatala ɲala.

Lewi bɔnsɛnu la sariya 16:26

Min ka sikule boloka janfue tɔ, wo bɛnta a ni naa a la kutanu ko, a ni a bale ko, jɔnɔn a ni saagi daaka butɔ.

Lewi bɔnsɛnu la sariya 17:15

A mata Isirayila kaa la ba, a mata luntaŋɛ la ba min be wo tɛma, ka mɔgɔ do ka sube dɔmɔ min bata faga a yɛtɛ ma, ka wo ma subu do ka min faga, wo tigi ni a la kutanu ko, a mɛn ni a yɛtɛ ko je la. A te saniyan fɔ wura la.

Lewi bɔnsɛnu la sariya 22:6

Ka min yo tagata maga wo koenu mɔɔle do la, a tigi be mala saniyanbale le la han wura la. A kana wo sarika saniyandeŋɛ dɔmɔ, fɔ a tini ban a bale kola je la.