Kiilanu 8:12 - Ala la kitabuenu Mɔgɔfin kuma tɔ

¹² Kɔnɔ Filipu to be kibaru ɲinma lakela Ala la mansabaya la ko la anun Isa tɔgɛ la, Ala la mɔgɔ masubɛreŋɛ, anu naata dɛnkɛnɛya wo la kuma ma. Wo butɔ, kayenu nun musenu, anu bɛ be suwɛla je tɔ.

Kiilanu 8:12 ပူးပေါင်းရင်းမြစ်များ

Luki 9:2

A ka anu kii alako anu ni taga Ala la mansabaya kibare lake mɔgɛnu ma, anu ni bandibaganu tugun nakendeya.

Luki 9:60

Isa ka a fɔ a ye, a ko: «Mɔgɔ fagareŋɛnu le bɛnta anu ni anu la mɔgɛnu furenu mandi. Ile ká taga Ala la mansabaya kibare ɲinma lake mɔgɛnu ma.»

Kiilanu 1:3

A la faga ɲagankata kɔma, a bɔɔta anu ma a kende la. Tele bi naani kɔtɔ, a tota a fan yitala le anu la seedeɲɔgɔya banba la, a mɛn be Ala la mansabaya la ko fɔla anu ye.

Kiilanu 11:20

Wo tɛmuɛ, donu be anu tɔ minnu be bɔɔren Sipiri nun Sirɛni. Wonu tugun tagata ke Antiyoki, kɔnɔ ande be kumala mɔgɛnu tugun ye minnu ma ma Yahudenu la, anu tota Marige Isa la kibaru ɲinma fɔla anu ye.

Kiilanu 18:8

Awa, kawandi ma boŋɛ kuntige Kirisipisi, anun a la denbaya bɛ dɛnkɛnɛyata Marige ma. Kɔrɛnti kaa siyama to be Pɔlu la kuma mɔɛla, ande tugun mata dɛnkɛnɛyabaga la, anu lasuwɛta je tɔ.

Kiilanu 19:5

Anu la wo kuma mɔɛreŋɛ, anu lasuwɛta je tɔ Marige Isa tɔgɛ la.

Kiilanu 2:38

Piyɛri ka anu jaabi, a ko: «Wo tuubɛ, jɔnɔn wo ni suwɛ je tɔ dɔndɔ dɔndɔ Isa tɔgɛ la, Ala la mɔgɔ masubɛreŋɛ, alako wo la junubenu ni kafari. Wo butɔ, Ala si wo kɔ a Hakkili saniyandeŋɛ la.

Kiilanu 2:41

Awa, minnu ka Piyɛri la kuma bita, wonu lasuwɛta je tɔ. Wo lun yati, mɔgɔ wulu saba ɲɔgɔn sata dɛnkɛnɛyabaganu kunma.

Kiilanu 20:21

Wo butɔ, n ka Yahudenu lasii anun minnu ma ma Yahudenu la, anu bɛ ni tuubɛ Ala ye, anu ni dɛnkɛnɛya mɔ Marige Isa ma.

Kiilanu 20:25

Awa, n ka a lɔn kɔtɛ, n bata tagaman wole min bɛ tɛma, ka Ala la mansabaya koe lake, wo te n ɲakɔtɔ yen bitugun.

Kiilanu 28:31

A tota Ala la mansabaya la ko lakela mɔgɛnu ma, a mɛn be anu kawandila Marige Isa, Ala la mɔgɔ masubɛreŋɛ la koenu la, limaniya bɛ la; mɔgɔ yo ma a ladan.

Kiilanu 5:14

Minnu be dɛnkɛnɛyaren Marige ma, jama banba tota sala anu kunma, muse nun kaye.

Kiilanu 8:4

Awa, dɛnkɛnɛyabaga minnu malansanta, wonu tanbita Ala la kibaru ɲinma lakela dula bɛ tɔ.

1 Piyɛri 3:21

Wo koe bata ma misale la dɛnkɛnɛyabaganu la malasuwɛ koe la je tɔ. Wo malasuwɛ koe butɔ, wo mɔ be malakise sɔtɔla kɛ wagate, Ala la mɔgɔ masubɛreŋɛ Isa la malawule le sabu la. Dɛnkɛnɛyabaganu la malasuwɛ te nɔgɛ bɔɔ anu bale ma, kɔnɔ ka min be lasuwɛla je tɔ, wo tigi be Ala mataranna a juse le ni beeya a ye.