Kiilanu 7:35 - Ala la kitabuenu Mɔgɔfin kuma tɔ

³⁵ Awa, anu balanta Musa min na ko la, ka a fɔla: ‹Ɲɔmɔ le ɲan ka i sɔ mansa la kiiti sa koe la mɔ kunma?›, Ala ka wolo yati kii a ni ma mansa la anu kunka koe la. Wo kiila fɔta a ye maleka sabu la min bɔɔta a ma bapɛ tɔ.

Kiilanu 7:35 ပူးပေါင်းရင်းမြစ်များ

Hɔrɔya 14:19

Ala la maleka min be sɔren bani Isirayila jama ɲatɔ tagala, a saagita a tota anu kɔma. Luuture madɛndeŋɛ tugun bɔɔta anu ɲatɔ, a nata to anu kɔma,

Hɔrɔya 14:24

Ɲɔ la kɛnɛ banba mafanna, Alatala ka a ɲa lataga Misira kaanu la jama ma kabɔɔ ta yore nun luuture madɛndeŋɛ tɔ, a ka Misira jama ɲatadon.

Hɔrɔya 2:14

Kaye ka a jaabi, a ko: «Ɲɔmɔ le ɲan ka i sɔ mansa la mɔ makiiti koe la? Bɔ i be diren de i ni nde tugun faga iko i ka Misira kaa faga ki min na?» Musa to ka wo mɔɛ, a kilanta, a ko a yɛtɛ ma: «N bata laa a la kɛ koe bata lɔn.»

Hɔrɔya 32:34

Awa, taga kɔtɛ, i ni jama doni dula tɔ, n ka ka min na ko fɔ i ye, n na maleka si sɔ i ɲatɔ. Kɔnɔ lun do si naa ke le, n si anu bita le anu la junube la ko la.»

Hɔrɔya 33:2

N si maleka do sɔ le wo ɲatɔ. N mɛn si Kanana kaanu anun Amɔri kaanu, anun Hɛti kaanu, anun Feresi kaanu, anun Hiwi kaanu, anun Jebusi kaanu bee le ɲɔ.

Luki 19:14

Kɔnɔ wo mansa bɔnsɛ kayi la jamanɛ mɔgɛnu be a kɔnden. A la bɔɔreŋɛ a la jamanɛ tɔ, a la taga kɔma anu ka kiilanu lasanba ka a fɔla: ‹Mɔ bele diren wo tige ni ma mɔ kunma mansa la.›

Yaya 18:40

Anu mɛn ka sɔnkɛ layɛlɛ, anu ko: «Ade! Kɛ ma! I ni Barabasi le boloka!» Adun, Barabasi kan mu boenmalá le la.

Yaya 19:15

Wo butɔ, anu mɛn ka sɔnkɛ layɛlɛ, anu ko: «A faga! A faga! A banban lɔgɛ tɔ!» Pilati ka a fɔ anu ye: «N ni wo la mansa banban lɔgɛ tɔ ba?» Sarika lakela kuntigenu ka a jaabi: «Mansa yo bele mɔ bolo fɔ Rɔmu mansa banba!»

Kiilanu 2:36

Awa, bani Isirayila bɔnsɛ bɛ ni a lɔn yati, sikkɛ yo bele wo tɔ: wole yɛtɛ ka Isa min banban lɔgɔ bangalandeŋɛ tɔ, Ala bata wolo ma Marige la, a mɛn bata a ma a la mɔgɔ masubɛreŋɛ la.»

Kiilanu 3:22

Annabi Musa yati ka a fɔ le: ‹Wo Marige Ala si nabiyonmɛ do kii le wo ma, min si to iko nde, wo be bɔɔla wo bɔnsɛ le tɛma. A be min bɛ fɔla wo ye, wo ni a bita.

Kiilanu 5:31

Wo kɔma, a ka ale layɛlɛ saŋɛ tɔ a bolo ɲinma tɔ, a ni ma mansa nun malakisila la, alako bani Isirayila mɔgɛnu ni nɔ tuubɛla, anu junube ni kafari.

Kiilanu 7:30

San bi naani mɛn to kamalita wagate min tɔ, maleka bɔɔta Musa ma kɛnɛ tɔ, a be ta mɛlɛŋɛ tɔ bapɛ do tɛma janfue tɔ, Turisinina kɔnkɛ tɔ.

Kiilanu 7:51

Awa, Etiyɛn mɛn ko: «Wole kanbɛlɛ, wo tole nun wo sondoŋɛ be deseren, hali wo ɲan ma sunna nun. Tɛmuɛ bɛ, wo be Ala Hakkili saniyandeŋɛ kɛlɛla; wo benbanu ka a ma ki min na, wole tugun ɲɔgɔnna le.

1 Samiyɛli 10:27

Kɔnɔ mɔgɛ sondon koroŋɛ donu tugun be nun, anu be a fɔla, anu ko: «Bɔ kɛ-lɛ be wo mɔ lakisila ba?» Anu yota a ma, anu ma fenfen nati a buuɲa la. Kɔnɔ Sayulu haju ma to wo tɔ.

1 Samiyɛli 12:8

Yaguba na kɔma Misira duge tɔ, wo benbanu naata na anu kulɛ labɔɔ Alatala ma a ni na anu dɛman. Alatala ka Musa nun Harona lasanba anu ma, minnu ka wo benbanu labɔɔ Misira, anu nata anu lasabati kɛ duge tɔ.