Kiilanu 6:9 - Ala la kitabuenu Mɔgɔfin kuma tɔ

⁹ Kɔnɔ Yahudenu minnu be bɔɔren Sirɛni nun Alɛsandiri saanu tɔ anun minnu be bɔɔren Silisi nun Asi duge tɔ, minnu be madɛnna kawandi ma boŋɛ tɔ, min tɔgɔ hɔrɔya mɔgɛnu la kawandi ma boŋɛ, wonu donu wulita, anu ka Etiyɛn nasɔnkɔ.

Kiilanu 6:9 ပူးပေါင်းရင်းမြစ်များ

Luki 21:12

Kɔnɔ yannun wo koenu bɛ ni ma, mɔgɛnu si wo jokki anu ni wo bita ka wo ɲagankata. Anu si wo don kawandi ma boŋɛ kuntigenu bolo, ka wo sa geele tɔ. Anu si wo doni kiiti dula mansanu bata, anun jamanɛ tigenu bata. Wo ɲagankata bɛ be wo masɔtɔla nde le la ko sabu la.

Kiilanu 11:20

Wo tɛmuɛ, donu be anu tɔ minnu be bɔɔren Sipiri nun Sirɛni. Wonu tugun tagata ke Antiyoki, kɔnɔ ande be kumala mɔgɛnu tugun ye minnu ma ma Yahudenu la, anu tota Marige Isa la kibaru ɲinma fɔla anu ye.

Kiilanu 13:1

Nabiyonmɛnu nun karamɔgɛnu be Antiyoki dɛnkɛnɛyabaga jama tɛma minnu be tabɛnden Baranabasi ma, anun Simeyɔn min tɔgɔ Fata fiŋɛ, anun Lusiyusi Sirɛni kaa, nun Manahɛn, min nun mansa Herodu koloyata ɲɔgɔn na, anun Sɔlu.

Kiilanu 13:45

Yahudenu to ka jama banba yen, bɛsɛnkɔnnɛya ka anu bita koola. Anu bakkuta Pɔlu la, anu tota a la kumanu sɔsɔla anu be tana kuma fɔla a ma.

Kiilanu 15:23

Anu ka sɛbɛre ma, anu ka a don wonu bolo, anu ko: «Mɔle, wo nɛɛnɛdɔndɛnu, minnu be tabɛnden kiilanu nun kuntigenu ma, mɔ bata wole sii gbɛtɛnu nɛɛnɛdɔndɛnu kɔntɔn, minnu be Antiyoki saa nun Siri nun Silisi dugenu tɔ.

Kiilanu 15:41

anu ka Siri nun Silisi duge tatagaman, a ka dɛnkɛnɛyabaga kuruŋɛnu lalimaniya.

Kiilanu 16:6

Pɔlu nun Silasi la biyase tɔ, Ala Hakkili Saniyandeŋɛ ka anu latɔn, ka a fɔla anu kana Ala la kuma fɔ Asi duge tɔ, wo butɔ anu ka Firigi nun Galati dugenu takuntu.

Kiilanu 18:24

Wo ka a taran, Yahude do tagata ke Efɛsi, a tɔgɔ Apolosi. A sɔtɔta Alɛsandiri saa tɔ le. A kusan kumala, a mɛn be Ala la kitabuenu karanden han.

Kiilanu 19:10

Wo tota mala han san fila. Wolo ka a ma, Yahude ba, minnu ma ma Yahude la ba, minnu bɛ be sabatiren Asi duge tɔ, anu bɛ ka Marige la kuma mɔɛ.

Kiilanu 19:26

Wo be a yenna, wo mɛn be a mɔɛla fɔla Efɛsi saa dɔrɔn ma, fayida a bata ke Asi duge bɛ tɔ, kɛ Pɔlu bata mɔgɔ siyama majuguya ka anu hakkile firifiri, a be a fɔla aa mɔgɛ bole be minnu ɲiɲala, aa batufeŋɛ ma wonu la.

Kiilanu 21:27

Wo tele wɔrɔwila saniyaŋɛ be lakamalila lun min na, Asi duge Yahude donu ka Pɔlu yen Ala batu bon banba butɔ, anu ka jama bɛ lamaga. Anu ka Pɔlu bita,

Kiilanu 21:39

Pɔlu ka a jaabi, a ko: «Yahude le mu nde la, n be bɔɔren Tarisi, Silisi duge saa do le tɔ, n sɔtɔ saa le wo la. Wo saa malɔnta han! N bata i táran, i ni n sago sa n ni kuma kɛ jama ye.»

Kiilanu 22:19

N ka a fɔ: ‹Kɔnɔ Marige, anu faŋɛ ka a lɔn, minnu be dɛnkɛnɛyaren i ma kawandi ma boŋɛnu bɛ tɔ dɔndɔ dɔndɔ, nde yati be wonu sala le geele tɔ, n be anu botegela le.

Kiilanu 22:3

«Yahude le mu nde la, n sɔtɔta Tarisi le, Silisi duge tɔ, kɔnɔ n koloyata Darisalamu saa tɔ yan de, n karanta Gamaliyɛli le bolo, a ka n nakaran wo mɔ benbanu la sariya la a kɛɲa yati ma. Ala la ko hanmɛre be n na nun, iko wole bɛ be ki min na bi.

Kiilanu 23:34

Mansa to banta sɛbɛre karanna, a ka ɲininkare ma, Pɔlu bɔɔta jamanɛ min tɔ. A to bata a lɔn a bɔɔta Silisi duge tɔ le, a ka a fɔ,

Kiilanu 24:18

Wo butɔ le, anu ka n taran Ala batu bon banba butɔ ɲɔ, n be bɔɔren n na saniyaŋɛ banna, jama bele ɲɔ, sɔnkɔ tugun bele.

Kiilanu 26:11

N tota anu ɲagankatala kawandi ma boŋɛnu bɛ tɔ, wagate yo wagate, n mɛn be anu karahanna, anu ni tana kuma fɔ. N na fatiya to tanbita a tɔ, n kitita anu ɲagankata koe la han jamanɛ donu saa butɔ.

Kiilanu 6:10

A to be kumala hakkilimaya butɔ nun Hakkili saniyandeŋɛ barikɛ tɔ, anu ma nɔ sɔtɔ a ma.