Kiilanu 4:29 - Ala la kitabuenu Mɔgɔfin kuma tɔ

²⁹ Marige, i ni i hakkile to a ma kɔtɛ anu ka mɔ makilan ki min na. I ni i la jondeŋɛnu kɔ limaniya banba la i la kuma fɔ koe la.

Kiilanu 4:29 ပူးပေါင်းရင်းမြစ်များ

Kiilanu 13:46

Pɔlu nun Baranabasi kumata anu ye limaniya la, anu ko: «Fɔ Ala la kuma ni fɔ wole len Yahudenu fɔlɔ ye, kɔnɔ wo balanta a la. Wo butɔ, wo bata a yita, ka a fɔla wo haju yo bele abada kise la ko tɔ. Awa kɔtɛ, mɔ si mɔ firifiri sii gbɛtɛ mɔgɛnu ma.

Kiilanu 14:3

Hali wo bɛ to mata, Pɔlu nun Baranabasi ka tɛmu yanfama le ma ɲɔ. Anu be yigi saren Marige ma, anu be kumala limaniya la. Marige be kabanakoenu nun misalenu mala anu sabu la, wo butɔ, anu be kuma min nakela a la hinnɛnteya la ko tɔ, Marige be wo kuma seedeɲɔgɔya bɔɔla ɲɔgɔnna le.

Kiilanu 19:8

Wo tanbi kɔma, kari saba kɔtɔ, Pɔlu ni kɛnɛ donna Yahudenu kawandi ma boŋɛ butɔ, a be kumala limaniya la. Wo butɔ, a tota Ala la mansabaya la ko ɲatabɔla anu ye, a be katala a ni mɔgɛnu manɔ minnu be anu tolomasɔren a la.

Kiilanu 26:26

Mansa Agiripa be kɛ koenu lɔnden de, wolo mu n be kumala a ye limaniya la. N be laaren a la, kɛ koe hali dɔndɔ bele dogonden ale la, bayi anu ma ma dogon tɔ.

Kiilanu 28:31

A tota Ala la mansabaya la ko lakela mɔgɛnu ma, a mɛn be anu kawandila Marige Isa, Ala la mɔgɔ masubɛreŋɛ la koenu la, limaniya bɛ la; mɔgɔ yo ma a ladan.

Kiilanu 4:13

Kuntigenu to be Piyɛri nun Yaya la limaniya yenden, a mɛn anu ka lɔn sɔtɔ a ma wonu mu karanbale mɔgɔ tun de la, anu be kaabɛren. Wo kɔma, anu ka a talɔn, wonu nun Isa le tota ɲɔgɔn na.

Kiilanu 4:21

Kuntigenu ma anu tɔɔrɔ fɛrɛ yo sɔtɔ, jama la ko la, bayi mɔgɛ bɛ be Ala matɔgɔla wo ko mareŋɛ sabu la. Wo butɔ, anu mɛn ka anu makilan, jɔ anu ka anu boloka.

Kiilanu 4:31

Anu to ka Ala mataraŋɛ ban, anu be madɛnden dula min tɔ, ɲɔ sɛrɛnta. Hakkili saniyandeŋɛ ka sɛnbɛ dii anu bɛ ma, anu fɔlɔta Ala la kuma fɔla limaniya la.

Kiilanu 9:27

Wo butɔ, Baranabasi ka a dɛman, a ka a doni kiilanu dula, a ka a ɲatabɔ anu ye, Sɔlu ka Marige yen kila la ki min na, anun wo ka kuma min fɔ a ye, anun Sɔlu tugun ka kawande ma Isa tɔgɛ la limaniya la ki min na Damasi saa tɔ.

Kiilanu 9:28

Wo kɔma, Sɔlu be anu fɛ taga nun saage la Darisalamu; a be kawande mala Marige tɔgɛ la limaniya la.

Filipi 1:14

N nɛɛnɛdɔndɛnu minnu be yan, anu siyama la limaniya be kunmasaren Marige la ko ma n na ɲagankata sabu la. Anu la suusɛ bata kunmasa Ala la kuma fɔ koe la.

1 Tesaloniki 2:2

Wo ka a lɔn mɔ to keta wo bata, wo ka a taran anu bata mɔ fɛɛya nun Filipi saa tɔ, anu bata mɔ tɔɔrɔ. Kɔnɔ mɔ Marige Ala ka limaniya dii mɔ ma, mɔ ni mɔ hakkile sɔ a ma, alako mɔ ni naa wo kawandi Ala la kibaru ɲinma la, hali anu to be mɔ kɛlɛla nun han.