Kiilanu 3:16 - Ala la kitabuenu Mɔgɔfin kuma tɔ

¹⁶ Wo be kaye min yenden kɛ la, wo ka min lɔn, a bata sɛnbɛ sɔtɔ tagamaŋɛ la a la dɛnkɛnɛya sabu la Isa tɔgɛ la. Iyon, a la dɛnkɛnɛya min be fatanden Isa la, wolo ka a lakendeya ken wo bɛ ɲala.

Kiilanu 3:16 ပူးပေါင်းရင်းမြစ်များ

Yaya 14:12

N ni tɔɲa beeyareŋɛ fɔ wo ye: min tini dɛnkɛnɛya n ma, n be wale minnu mala, ale tugun si wonu ɲɔgɔn ma. A ɲan si donu tugun ma minnu kolo n tɛŋɛnu ko, bayi nde be tagala le n Baaba dula.

Yaya 7:23

Wo dun be kaye sunnala sulen lɔ́gɛ́ tɔ alako Musa la sariya kana tiɲa, fenna wo dumɛnta nde ma n to ka kaye lakendeya ken sulen lɔ́gɛ́ tɔ?

Kiilanu 14:9

Lun do, a ka Pɔlu mɔɛ kumala. Wo to ka a ɲanu banban a ma, a ka a yen a be dɛnkɛnɛyaren a ni kendeya,

Kiilanu 16:18

A tota wo mala tele siyama han wo ka Pɔlu fiddɛ, a ka a firifiri, a ka fɔ wo jinna ye: «N bata i yamɔri Ala la mɔgɔ masubɛreŋɛ Isa tɔgɛ la: bɔɔ kɛ muse kɔma!» A bɔɔta a kɔma kisanna.

Kiilanu 3:6

Kɔnɔ Piyɛri ka a fɔ a ye, a ko: «Nɛgɛ bele n bolo feu, kɔnɔ min be n bolo, n be wolo diila i ma: Ala la mɔgɔ masubɛreŋɛ Isa Nasarɛti kaa tɔgɛ la, wuli, i ni tagaman!»

Kiilanu 3:8

A wulita teriya la, a sɔta, a ka tagamaŋɛ fɔlɔ. A nun kiilanu donta ɲɔgɔn na Ala batu bon banba butɔ, a be tagamanna, a be tunna a be sɔrɔnna, a tota Ala tantula.

Kiilanu 4:10

Wo butɔ, wole nun bani Isirayila kaanu bɛ ni a lɔn, kɛ kaye min be sɔren yan wo ɲala, a kendeyata Isa Nasarɛti kaa, Ala la mɔgɔ masubɛreŋɛ tɔgɛ le sabu la. Wole ka Isa min banban lɔgɛ tɔ, Ala kan ka a lawuli fagabaganu tɛma.

Kiilanu 4:30

Wo butɔ, i ni i sɛnbɛ yita mɔgɛ lakendeya koe la, i ni misalenu nun kabanakoenu ma i la jonden saniyandeŋɛ Isa tɔgɛ la.»

Kiilanu 4:7

Anu ka Piyɛri nun Yaya sɔ anu tɛma anu ka anu maɲininka, anu ko: «Wole, wo ka kɛ kaye lakendeya sɛnbɛ miniman na? Wo ka kɛ ma tɔgɔ miniman na?»