Kiilanu 24:14 - Ala la kitabuenu Mɔgɔfin kuma tɔ

¹⁴ Kɔnɔ n si min yita i la, wolo mu ka: n be mɔ benbanu la Ala le batula, iko Isa la kila be a yitaren ki min na, ande be a fɔla min ma aa foniya kila. Iyon, kuma min bɛ be sɛbɛren Taureta Musa nun nabiyonmɛnu la kitabuenu tɔ, n be laaren wonu bɛ la.

Kiilanu 24:14 ပူးပေါင်းရင်းမြစ်များ

Hɔrɔya 3:15

Ala mɛn ko Musa ma: «I si a fɔ bani Isirayila kaanu ye, i ko: ‹Alatala, wo benbanu la Ala, annabi Iburahima, anun Isiyaka, anun Yaguba la Ala le be n nasanbaren wo ma.› » Ala mɛn ko Musa ma: «N tɔgɛ le mu ka kudai. N be diren yɛlɛman yo yɛlɛman wo ni n talɔn ɲɔgɔnna le.

Luki 1:70

Ala bata wo ma iko a ka a fɔ ki min na nabiyonmɛ saniyandeŋɛnu sabu la, ka bɔɔ hau:

Luki 16:16

Taureta Musa anun nabiyonmɛ doenu wagate tota han annabi Yaya nata. Bɔɔla Yaya nata, kibaru ɲinma bata lake mɔgɛnu ma ka a fɔla Ala la mansabaya bata ke. Mɔgɛnu bɛ be katala anu ni don a tɔ.

Luki 16:29

Iburahima ka nafulu tige jaabi, a ko: ‹Taureta Musa anun nabiyonmɛ doenu la kitabuenu be anu bolo. Anu ka anu tolomasɔ wonu la, anu ni a bita.›

Luki 24:27

Wo butɔ, fenfen be sɛbɛren a yɛtɛ la ko tɔ kitabuenu bɛ tɔ, ka fɔlɔ Taureta Musa han ka naa ke nabiyonmɛ tɔɛnu bɛ la kitabuenu ma, Isa ka wo bɛ fasari anu ye.

Luki 24:44

Wo kɔma, a ka a fɔ anu ye, a ko: «N be wo fɛ fɔlɛ tɔ wagate min tɔ, n tota wolo fɔla wo ye, ka fenfen be sɛbɛren n na ko tɔ, a fɛrɛ bele fɔ wo bɛ ni kamali. Min be sɛbɛren Taureta Musa tɔ, anun nabiyonmɛ tɔɛnu la kitabuenu tɔ, anun Jaburu kitabue tɔ, wo bɛ ni kamali.»

Yaya 1:45

Filipu tagata mɔgɛ do taran min tɔgɔ Natanayeli, a ka a fɔ a ye: «Musa ka min na ko fɔ Taureta tɔ, a nun nabiyonmɛnu tugun ka min na ko fɔ, mɔ bata a yen: Isa Nasarɛti kaa le mu, Yusufu la deŋɛ.»

Kiilanu 10:43

Nabiyonmɛ bɛ ka ale len na ko fɔ, anu ko: ka min dɛnkɛnɛyata a ma, wo tigi junube si kafari le a tɔgɛ la ko la.»

Kiilanu 13:15

Taureta Musa nun nabiyonmɛnu donu la kitabue karan koe to bɔɔta a la, kawandi ma boŋɛ kuŋɛnu ka kiila lasanba anu ma, anu ko: «Mɔ bareŋɛnu, ka kawande ma kuma do be wo bolo mɔgɛnu ye, awa mɔ bata kuma don wo bolo.»

Kiilanu 15:5

Kɔnɔ, Farisi jama mɔgɛ donu minnu bata ma dɛnkɛnɛyabaga la, wonu wulita anu be a fɔla, aa fɔ sii gbɛtɛ dɛnkɛnɛyabaganu ni sunna tekku, anu ni to Musa la sariya bɛ kɔma.

Kiilanu 19:23

Wo wagate, ɲatadon banba mata Marige la kila la ko la.

Kiilanu 19:9

Kɔnɔ donu hakkile be bɛlɛyaren anu ma sɔn dɛnkɛnɛyala, anu mɛn ni to kuma koroŋɛ fɔla Isa ma jama ɲala, ka a fɔla a la kila maɲin. Awa, Pɔlu bɔɔta anu kunma, a ka talibenu jigan a dana ma Tiranusi la karan boŋɛ tɔ, a tota anu kawandila tele yo tele.

Kiilanu 22:14

A mɛn ko: ‹Mɔ benbanu la Ala bata ile masubɛ, i ni a sagoe lɔn, i ni Telenbaga yen, i ni a kulɛ mɔɛ a faŋɛ da tɔ,

Kiilanu 24:22

Mansa Felikisi to ka Isa la kila lɔn a ɲinma la, a ka anu la ko sa betunna, a ko: «Lisiyasi sɔɔri mansa banba tini na wagate min tɔ, n si wo la ko tefi a ɲinma la.»

Kiilanu 24:5

Mɔ bata a yen, kɛ kaye mu malamurutɛla le la, anun tɛ donna Yahude bɛ tɛma dunuya bɛ tɔ; a mu Isa Nasarɛti kaa la jama kuntige le la.

Kiilanu 25:8

Wo kɔma, Pɔlu fɔlɔta a yɛtɛ kunma fɔla, a ko: «N ma junubu ko sɔtɔ Yahudenu la sariya butɔ, ka wo ma Ala batu bon banba la, ka wo ma Rɔmu mansa banba la.»

Kiilanu 26:22

Kɔnɔ n to bata Ala la dɛmare sɔtɔ han bi, wolo be a maren n be tola a seedeɲɔgɔya bɔɔla dendeŋɛnu nun kayibanu ye. Nde bele fenfen fɔla, fɔ annabi Musa nun nabiyonmɛ doenu ka koe minnu na koe fɔ,

Kiilanu 26:27

Mansa Agiripa, i bele laaren nabiyonmɛnu la kumanu la ba? N be a lɔnden, ka a fɔla i be laaren anu la.»

Kiilanu 26:4

Awa, n be ki min na bɔɔla n denden tɛmuɛ n bɔnsɛ tɛma Darisalamu saa butɔ bɔɔla a fɔlɛ, Yahude bɛ ka wo lɔn.

Kiilanu 26:6

Kɔtɛ, Ala ka lahire min jigan wo mɔ benbanu ye, n be sɔren yan n makiiti koe le la, bayi n be n yigi saren wo lahiri lakamali koe le la.

Kiilanu 28:22

Kɔnɔ a sɔgɔ be mɔ la, mɔ ni i la mira lɔn, bayi mɔ ka a lɔn mɔgɛnu be sɔsɔre mala i la kɛ diina la ko la dula bɛ tɔ.»

Kiilanu 28:23

Awa, anu ka lun dɔndɔ lakoti Pɔlu ye. Wo luŋɛ to keta, anu siyama tagata a ma a yigiya tɔ. A tota seedeɲɔgɔya bɔɔla kabɔɔ saguma han wura la, a be Ala la mansabaya la ko ɲatabɔla anu ye. Wo butɔ, a be katala a ni anu lalaa ka a fɔla Isa yati le mu Ala la mɔgɔ masubɛreŋɛ la, Taureta Musa nun nabiyonmɛnu la kitabuenu sabu la.

Kiilanu 3:13

Ade, Iburahima nun Isiyaka nun Yaguba la Ala, mɔ benbanu la Ala, wolo bata a la jondeŋɛ Isa kunnawuli, wole ka min to mansa Pilati sagoe tɔ. Wo tanbi kɔma, a boloka sɔgɛ be Pilati la wagate min tɔ, wole nɔn ka a aɲɛ a ɲala.

Kiilanu 5:30

Wo mɔ benbanu la Ala ka Isa lawuli, wo ka min banban lɔgɛ tɔ, ka a nɛ bɔɔ.

Kiilanu 7:32

‹I benbanu la Ala le mu nde la, Iburahima nun Isiyaka nun Yaguba la Ala.› Wo butɔ, Musa sɛrɛnta, a ma suusɛ a lasagala.

Kiilanu 9:2

a ka sago dii kaidenu maɲininka a ma, a ni wonu don Damasi kawandi ma boŋɛnu kuntigenu bolo, alako ka a ka mɔgɛnu taran ɲɔ, musu nun kayi, minnu be sɔren Isa la kila kɔma, a ni anu kiti a ni anu nati Darisalamu.

1 Piyɛri 1:11

Ala Hakkili saniyandeŋɛ ka Ala la mɔgɔ masubɛreŋɛ la tɔɔrɛ yita anu la, anun a be nala kunnawule min sɔtɔla wo tanbi kɔma. Nabiyonmɛnu ka tefira ma anu ni wo koenu na wagate lɔn, anun anu na kɛɲa.