Kiilanu 23:6 - Ala la kitabuenu Mɔgɔfin kuma tɔ

⁶ Pɔlu to ka a lɔn ka a fɔla mamadɛŋɛ sɔngɔ dɔndɛ mu Sadusinu le la, sɔngɛ doe Farisinu, a ka a kulɛ mayɛlɛ anu tɛma, a ko: «N bareŋɛnu, nde mu Farisi kaye le la, n mɛn mu Farisi kaye la den kayireŋɛ le la. N to be laaren a la, Ala si naa fagabaganu lawuli le, wo be n makiitila wolo la bi.»

Kiilanu 23:6 ပူးပေါင်းရင်းမြစ်များ

Kiilanu 22:3

«Yahude le mu nde la, n sɔtɔta Tarisi le, Silisi duge tɔ, kɔnɔ n koloyata Darisalamu saa tɔ yan de, n karanta Gamaliyɛli le bolo, a ka n nakaran wo mɔ benbanu la sariya la a kɛɲa yati ma. Ala la ko hanmɛre be n na nun, iko wole bɛ be ki min na bi.

Kiilanu 22:30

Wo tabantaka, sɔɔri mansa banba ka sarika lakela kuntigenu, anun Yahude kuntigenu bɛ yamɔri, anu ni naa madɛn, bayi Yahudenu be Pɔlu siɲɛren koe min na, a sɔgɔ be a la, a ni tɔɲa lɔn wo tɔ. Wo butɔ, a ka Pɔlu fulen, a ka a nati a ka a sɔ anu tɛma.

Kiilanu 22:5

Sarika lakela kuntige banba nun Yahude kuntigenu bɛ mu n seede la. Wonu yati ka sago dii kaide don n bolo tagala mɔ bareŋɛnu ma Damasi saa tɔ. Wo butɔ, n tagata ɲɔ, alako talibenu minnu be ɲɔ, n ni wonu tugun kitireŋɛ nati Darisalamu ka anu ɲagankata.

Kiilanu 23:1

Pɔlu ka a ɲa banban Yahude kuntigenu ma a ɲinma la, a ko: «N bareŋɛnu, nde han bi, n be tagamanna Ala ye jusu beeya le la mɔɔle bɛ la.»

Kiilanu 23:15

Awa kɔtɛ, wole nun Yahude kuntigenu bɛ ni sɔɔri mansa banba madiya, a ni naa a nati wo ye, iko wo be diren a la ko tefila le koola; mɔle tugun, yannun a ni sutuya yan na, mɔ bata mɔ tabɛn a faga koe la.»

Kiilanu 23:20

A ko: «Yahudenu bata bɛn a ma, anu ni i madiya, i ni Pɔlu doni Yahude kuntigenu la mamadɛŋɛ tɔ sinan, iko anu be diren a la ko tefila le koola.

Kiilanu 23:7

A to ka wo fɔ, ɲɔgɔn masɔ́sɛ́ donta Farisinu nun Sadusinu tɛma; mamadɛŋɛ fatanta fila la.

Kiilanu 24:15

N be laaren, iko ande yɛtɛ tugun be sɔnden min na, ka a fɔla Ala si naa telenbaganu nun telenbalenu bɛ talawuli le faga kɔma.

Kiilanu 24:21

fɔ kɛ kuma dɔndɛ pɛ, n be sɔren anu tɛma le, n ka fɔ n kulɛ mayɛlɛreŋɛ la, n ko: Anu be n makiitila min na bi, wolo mu fagabaganu lawuli koe la.»

Kiilanu 28:20

Awa, n be wo makeleren kɛ surute le la, n ni wo yen ka kuma wo ye. Wo ni a lɔn mɔle bani Isirayila kaanu yige be saren min ma, wolo la ko be a maren n be kitiren kɛ jɔlɔnkɔŋɛ la.»

Filipi 3:5

Bayi, n sunnata n na sɔtɛ tele sagin luŋɛ le, Isirayila sɔtɔdeŋɛ le mu n na, min be bɔɔren Bunyamin bɔnsɛ tɔ. N sɔtɔ kɛɲa ma, Hebure yuge yati yati le be n bolo. Ala la sariya kan, n be sɔren wolo kɔma Farisi kuruŋɛ naamuŋɛ kɛɲa ma.