Kiilanu 20:32 - Ala la kitabuenu Mɔgɔfin kuma tɔ

³² Awa kɔtɛ, n be wo taakula Ala nun a la nɛɛma kuma la, min si nɔ wo sɛnbɛ sala, a ni kɛɛ dii wo ma a be min diila mɔgɔ saniyandeŋɛ bɛ ma.

Kiilanu 20:32 ပူးပေါင်းရင်းမြစ်များ

Ko fɔlɔfɔlɛ 50:24

Yusufu ka a fɔ a baaba dɔndɛnu ye: «Nde tugun be faga da le tɔ. Kɔnɔ wo ni laa a la, Ala si hinnɛ le wo la. A si naa wo jigan de Misira, a ni wo doni duge tɔ, a ka a kali lahire min jigan koe la Iburahima nun Isiyaka nun Yaguba ye.»

Yaya 15:3

Wo be misaliren wo boliŋɛ le la, wo bata ban saniyanna, n na kuma la ko sabu la n be min fɔren wo ye.

Yaya 17:17

I ni anu sa i yɛtɛ sagoe tɔ, i la tɔɲa sabu la. I la kuma le mu tɔɲa la.

Kiilanu 11:23

A la kereŋɛ ɲɔ, a ka Ala la hanigi ɲinma wale yen, a sɛɛwata. A be anu bɛ waajɛla, anu ni a natá anu ni to Marige kɔma anu juse bɛ la.

Kiilanu 14:23

Dɛnkɛnɛyabaga kurun yo kurun, anu ka kuntigenu sɔ anu ye. Wo kɔma, anu ka súŋɛ́ nun Ala mataraŋɛ ma, anu mɛn ka wo kuntigenu taaku Marige la, anu dɛnkɛnɛyata min ma.

Kiilanu 14:26

Anu bakkita kulun banba tɔ ɲɔ, anu saagita Antiyoki, anu ka anu taaku Ala la hinnɛnteya la ka min na nun kiilaya wale ma koe la, anu be bɔɔren min mala.

Kiilanu 14:3

Hali wo bɛ to mata, Pɔlu nun Baranabasi ka tɛmu yanfama le ma ɲɔ. Anu be yigi saren Marige ma, anu be kumala limaniya la. Marige be kabanakoenu nun misalenu mala anu sabu la, wo butɔ, anu be kuma min nakela a la hinnɛnteya la ko tɔ, Marige be wo kuma seedeɲɔgɔya bɔɔla ɲɔgɔnna le.

Kiilanu 15:40

Pɔlu tugun ka Silasi masubɛ; nɛɛnɛdɔndɛnu to ka Pɔlu taaku Marige la hinnɛnteya la, anu tagata,

Kiilanu 20:24

Kɔnɔ n nɛ sɔdula yo bele n ɲɛ, fɔ n ni n na kiilaya wale lakamali Marige Isa be min taakuren n na, min be tabɛnden kibaru ɲinma lake koe ma, Ala la nɛɛma la ko tɔ.

Kiilanu 26:18

alako i ni anu ɲa laka, anu ni bɔɔ dibe tɔ ka to kɛnɛ tɔ, anu ni bɔɔ Sentanɛ la nɔɛ kɔtɔ, anu ni to Ala la mansabaya kɔtɔ. Wo butɔ, ka anu bata dɛnkɛnɛya n ma, anu si junubu kafare sɔtɔ le, anu mɛn si naa kɛɛ sɔtɔ le saniyanbaganu bɛ ɲaama.›

Kiilanu 9:31

Wo wagate, dɛnkɛnɛyabaga jama minnu be Juda nun Galile nun Samari duge bɛ tɔ, anu bɛ tota jususa tɔ. Anu sɛnbɛ be koloyala, anu be tagamanna Marige la ɲalakilaŋɛ la, Ala Hakkili saniyandeŋɛ la dɛmare ka a ma anu tota siyala.