Kiilanu 20:16 - Ala la kitabuenu Mɔgɔfin kuma tɔ

¹⁶ Wo ka a taran, Pɔlu ka a hanige a ni Efɛsi saa lanpɛ, alako a kana wagati banba ma Asi duge tɔ ɲɔ. A be gbaataren, ka a si nɔ kela, a ni Hɔrɔya sale, a tele bi loolu ma Darisalamu.

Kiilanu 20:16 ပူးပေါင်းရင်းမြစ်များ

Hɔrɔya 34:22

Wo tini be sɛnɛtɔfeŋɛ kunfɔlɛ tɛgɛla wo si Sɛnɛ Tɛgɛ sale ma le. Wo tini ban sɛnɛ wale tɔnɛ ladonna sama la baŋɛ la, wo ni wo tugun sale ma.

Kiilanu 12:13

A to ka dondula bonda kɔnkɔn, jon muse do, min tɔgɔ Rode, wo tagata ɲɔ fɛlɛ.

Kiilanu 16:6

Pɔlu nun Silasi la biyase tɔ, Ala Hakkili Saniyandeŋɛ ka anu latɔn, ka a fɔla anu kana Ala la kuma fɔ Asi duge tɔ, wo butɔ anu ka Firigi nun Galati dugenu takuntu.

Kiilanu 18:19

Anu tagata ke Efɛsi saa tɔ, Pɔlu ka a tagamanɲɔgɛnu to ɲɔ le. Ale donta kawandi ma boŋɛ tɔ, a nun Yahudenu sumunta.

Kiilanu 18:21

A saarata anu la, a ko: «Ka Ala sɔnta, n mɛn si tana wo bata.»

Kiilanu 19:1

Apolosi be Kɔrɛnti wagate min tɔ, Pɔlu ka a la kila tajokki a ka kɔnkɛ jamanɛnu takuntu, han a tagata ke Efɛsi. A ka talibe donu taran ɲɔ.

Kiilanu 19:21

Wo koenu ban kɔma, Pɔlu ka a natá Ala Hakkile barikɛ tɔ, a ni taga Darisalamu. Wo butɔ, fɔ a ni Masedoni duge nun Akayi duge takuntu betunna. A mɛn ka a fɔ: «Ka n bɔɔta Darisalamu a fɛrɛ bele fɔ n ni ke Rɔmu saa banba tɔ tugun.»

Kiilanu 2:1

Hɔrɔya sale tanbi kɔma, tele bi loolu, Isa la talibenu bɛ labɛndeŋɛ be madɛnden kan dɔndɔ.

Kiilanu 20:13

Mɔle sɔta ɲatɔ, mɔ bakkita kulun banba tɔ tagala Asosi saa tɔ, mɔ be Pɔlu jiganna ka min na, iko a ka yamɔre sa ki min na, bayi ale faŋɛ dita le tagala a kɛŋɛ la.

Kiilanu 20:18

Wonu la kereŋɛ a ma, a ka a fɔ anu ye, a ko: «Bɔɔla n na na tele fɔlɛ Asi duge tɔ, n tota wo fɛ ki min na wagate bɛ tɔ, wo ka wo lɔn.

Kiilanu 20:22

Awa kɔtɛ, wo ni a lɔn Hakkili saniyandeŋɛ bata a tɛ kiti n na, fɔ n ni taga Darisalamu. Koe minnu be nala kela n ma ɲɔ, n ma wonu lɔn,

Kiilanu 20:4

Pirusi la den kayiren Sopate min be bɔɔren Bereya saa tɔ, wo tagata a masɔdula, anun Arisitariki anun Sekondu minnu be bɔɔren Tesaloniki saa tɔ, anun Gayusi min be bɔɔren Deribe saa tɔ, anun Timote, anun Asi kaanu Tisiki nun Tirofimi.

Kiilanu 20:6

Mɔle tugun bɔɔta Filipi saa tɔ dɛgɛ lɛbini bɔnɛ sali luŋɛ tanbi kɔma, mɔ bakkita kulun banba tɔ. Tele loolu luŋɛ, mɔ ka anu taran Toroyasi saa tɔ. Mɔ tota ɲɔ tele wɔrɔwila.

Kiilanu 21:4

Mɔ ka talibe donu taran ɲɔ, mɔ ka tele wɔrɔwila ma anu fɛ. Wonu ka a fɔ Pɔlu ye Hakkili saniyandeŋɛ barikɛ tɔ, aa a kana yɛlɛ Darisalamu.

Kiilanu 24:17

San siyama tanbi kɔma, n nata Darisalamu dɛmarifeŋɛnu nati koe la n bɔnsɛ ye, n mɛn ni sarikanu bɔɔ.