Kiilanu 2:39 - Ala la kitabuenu Mɔgɔfin kuma tɔ

³⁹ Wo ni a lɔn, Ala ka wo lahire jigan de wole ye anun wo juruyanu, anun mɔgɛnu ye minnu bɛ be dula yanfama tɔ, mɔ Marige Ala si min bɛ madon a la.»

Kiilanu 2:39 ပူးပေါင်းရင်းမြစ်များ

Kiilanu 10:45

Dɛnkɛnɛyabaga minnu be fatanden Yahude bɔnsɛ la, minnu ka Piyɛri masɔ, wonu kaabɛta koola, ka a fɔla Ala be sii gbɛtɛ mɔgɛnu tugun kɔren a Hakkili saniyandeŋɛ la, a bata a lajigi anu ma.

Kiilanu 14:27

Anu la kereŋɛ ɲɔ, anu ka dɛnkɛnɛyabaga jama madɛn. Anu la madɛndeŋɛ, Ala ka koe minnu ma anu fɛ, a mɛn ka bonda laka sii gbɛtɛ mɔgɛnu ye wonu tugun si dɛnkɛnɛya ki min na, anu tota wo bɛ ɲamakaranna.

Kiilanu 15:14

Ala naata mɔgɛnu masubɛ sii gbɛtɛnu tɛma ki min na a fɔlɛ la, anu ni ma a la jama la, Simɔn Piyɛri bata wo ɲamakaran.

Kiilanu 15:3

Awa, dɛnkɛnɛyabaga jama ka anu fanda. Anu be Fenisi nun Samari duge takuntula wagate min tɔ, anu tota a yitala ɲɔ kaanu la, sii gbɛtɛ mɔgɛnu ka anu yɛtɛ lasaagi Ala ma ki min na minnu ma ma Yahudenu la. Wo mata sɛɛwa banba la nɛɛnɛdɔndɛnu bɛ ye.

Kiilanu 15:8

Ala min ka mɔgɛ sondoŋɛ butɔ koe lɔn, wo ka a Hakkili Saniyandeŋɛ dii anu ma, iko a ka a dii mɔ ma ki min na, wo butɔ a ka a yita anu la a beeyareŋɛ la anu bata ma a tɛŋɛ la.

2 Tesaloniki 1:11

Wo butɔ, mɔ be Ala mataranna wo ye wagati bɛ, mɔ ko wo mɔ Marige Ala ni wo to iko a dagɛta ki min na mɔgɛ ye a be min keleren. Mɔ mɛn ko a ni wo la hanige ɲinma bɛ lakamali, anun wo la wali ɲinma min be maren dɛnkɛnɛya sabu la. Wo be mala a sɛnbɛ le sabu la.

1 Piyɛri 5:10

Ka wo banta tɔɔrɔla wagatinden, Ala hinnɛnte si naa wo la ko tabɛn, a ni wo lalimaniya, a ni sɛnbɛ dii wo ma, a ni wo lasabati. Ale le be wo keleren wo ni to a la nɔɔra kɔtɔ abada a la mɔgɔ masubɛreŋɛ Isa kɔma.