Kiilanu 2:38 - Ala la kitabuenu Mɔgɔfin kuma tɔ

³⁸ Piyɛri ka anu jaabi, a ko: «Wo tuubɛ, jɔnɔn wo ni suwɛ je tɔ dɔndɔ dɔndɔ Isa tɔgɛ la, Ala la mɔgɔ masubɛreŋɛ, alako wo la junubenu ni kafari. Wo butɔ, Ala si wo kɔ a Hakkili saniyandeŋɛ la.

Kiilanu 2:38 ပူးပေါင်းရင်းမြစ်များ

Luki 24:47

A la ko kibare si lake Darisalamu fɔlɔ, jɔ a ni lake dunuya seenu bɛ ma, Ala la mɔgɔ masubɛreŋɛ tɔgɛ la, ka a fɔla anu ni tuubɛ, alako anu ni junubu kafare sɔtɔ.

Luki 3:10

Mɔgɛnu tota Yaya maɲininkala, anu ko: «Mɔ bɛnta mɔ ni fen ma wo butɔ?»

Kiilanu 10:43

Nabiyonmɛ bɛ ka ale len na ko fɔ, anu ko: ka min dɛnkɛnɛyata a ma, wo tigi junube si kafari le a tɔgɛ la ko la.»

Kiilanu 10:48

Awa, a ka yamɔre sa, anu ni lasuwɛ je tɔ Ala la mɔgɔ masubɛreŋɛ Isa tɔgɛ la. Wo kɔma, anu ka Piyɛri madiya a ni tele dan donu ma ɲɔ.

Kiilanu 13:38

Wo butɔ, n bareŋɛnu, wo ni lɔn sɔtɔ a ma koola, kibare bata lake wo ma ka a fɔla junubu kafare be sɔtɔla ale Isa le sabu la, alako ka min yo dɛnkɛnɛyata a ma, wo tigi junube bata kafari, Ala la kiite bata bɔɔ a kunma. Annabi Musa la sariya ma nɔ wo bɛ mala wo ye.

Kiilanu 16:15

Wolo ka a ma, a nun a la boŋɛ butɔ mɔgɛnu lasuwɛta je tɔ. Wo kɔma a ka mɔ madiya, a ko: «Ka wo be laaren a la n bata dɛnkɛnɛya Marige ma yati, wo don n na boŋɛ tɔ, wo ni yigiya.» A ka mɔ karahan mɔ ni sɔn.

Kiilanu 17:30

Ala ma wo koe lɔnbaliya wagatenu jigan, kɔnɔ kɔtɛ, a be mɔgɛ bɛ yamɔrila dula bɛ tɔ, anu ni tuubɛ.

Kiilanu 20:21

Wo butɔ, n ka Yahudenu lasii anun minnu ma ma Yahudenu la, anu bɛ ni tuubɛ Ala ye, anu ni dɛnkɛnɛya mɔ Marige Isa ma.

Kiilanu 22:16

Awa, i be fen de kɔnɔnden kɔtɛ? Ile wuli, i ni Marige tɔgɛ mataran, i ni suwɛ je tɔ, alako i junubenu ni bɔɔ i ma.›

Kiilanu 26:18

alako i ni anu ɲa laka, anu ni bɔɔ dibe tɔ ka to kɛnɛ tɔ, anu ni bɔɔ Sentanɛ la nɔɛ kɔtɔ, anu ni to Ala la mansabaya kɔtɔ. Wo butɔ, ka anu bata dɛnkɛnɛya n ma, anu si junubu kafare sɔtɔ le, anu mɛn si naa kɛɛ sɔtɔ le saniyanbaganu bɛ ɲaama.›

Kiilanu 26:20

N ɲan ka kuma lake Damasi kaanu le fɔlɔ ma, wo kɔma n tagata Darisalamu nun Juda duge bɛ tɔ, n mɛn keta sii gbɛtɛ mɔgɛnu tugun ma, ka a fɔla anu ni tuubɛ ka anu yɛtɛ lasaagi Ala ma, anu wali ɲa mɛn ni a yita ka a fɔla anu bata tuubɛ.

Kiilanu 3:19

Wolo mu, wo ni tuubɛ, wo ni wo yɛtɛ lasaagi Ala ma, alako wo la junubenu ni kafari,

Kiilanu 5:31

Wo kɔma, a ka ale layɛlɛ saŋɛ tɔ a bolo ɲinma tɔ, a ni ma mansa nun malakisila la, alako bani Isirayila mɔgɛnu ni nɔ tuubɛla, anu junube ni kafari.

Kiilanu 8:12

Kɔnɔ Filipu to be kibaru ɲinma lakela Ala la mansabaya la ko la anun Isa tɔgɛ la, Ala la mɔgɔ masubɛreŋɛ, anu naata dɛnkɛnɛya wo la kuma ma. Wo butɔ, kayenu nun musenu, anu bɛ be suwɛla je tɔ.

Kiilanu 8:20

Kɔnɔ Piyɛri ka a fɔ a ye: «I nun i la nafule ni halagi! A be toren ile ye ba iko Ala la kɔɔre be sanna nafule le la?

1 Piyɛri 3:21

Wo koe bata ma misale la dɛnkɛnɛyabaganu la malasuwɛ koe la je tɔ. Wo malasuwɛ koe butɔ, wo mɔ be malakise sɔtɔla kɛ wagate, Ala la mɔgɔ masubɛreŋɛ Isa la malawule le sabu la. Dɛnkɛnɛyabaganu la malasuwɛ te nɔgɛ bɔɔ anu bale ma, kɔnɔ ka min be lasuwɛla je tɔ, wo tigi be Ala mataranna a juse le ni beeya a ye.