Kiilanu 2:23 - Ala la kitabuenu Mɔgɔfin kuma tɔ

²³ Ale Isa to donta wo bolo, wole tugun ka a to Ala la sariya lɔnbalenu sagoe tɔ, anu ni a banban lɔgɔ bangalandeŋɛ tɔ. Wo ka a la ko lamɔdɛ ɲɔgɔnna le, kɔnɔ wo bɛ Ala ka a sa ɲɔgɔnna le bɔɔla hau a la lɔnnɛ butɔ.

Kiilanu 2:23 ပူးပေါင်းရင်းမြစ်များ

Ko fɔlɔfɔlɛ 50:20

Wo bɛnta le n kunma wo ni ko koroŋɛ sigi n ma, kɔnɔ Ala kan ka a mafalin a ɲinma la a ni jama banba nɛ lakisi min be nala kela iko bi.

Luki 22:22

Tɔɲa le, nde Adamadeŋɛ si faga le iko a be saren n ɲɛ ki min na. Kɔnɔ kɛ mɔgɛ min be n donna mɔgɛnu bolo, wo si ɲagankata sɔtɔ le.»

Luki 22:37

Kɛ kuma be sɛbɛren kitabue tɔ: Anu be a saren ko koron malá le la. Awa, n ni a fɔ wo ye, a fɛrɛ bele fɔ kɛ kuma ni ma tɔɲa la nde la ko tɔ. Iyon, min be sɛbɛren n na ko tɔ, wo si kamali le.»

Luki 23:33

Anu la kereŋɛ dula tɔ, ka min tɔgɔ «Kun konkota», anu ka Isa banban lɔgɛ bangalandeŋɛ tɔ ɲɔ le, anun wo ko koron mala fila. Dɔndɛ banbanta lɔgɛ bangalandeŋɛ do tɔ Isa bolo ɲinma tɔ, dɔndɛ tugun Isa bolo mara tɔ.

Luki 24:20

mɔ la sarika lakela kuntigenu nun mɔ la mansanu ka a don mɔgɛnu sagoe tɔ ki min na alako a ni makiiti ka a faga. Wo butɔ, anu ka a banban lɔgɔ bangalandeŋɛ tɔ, anu ka a faga.

Yaya 19:18

Anu ka ale nun mɔgɔ fila banban ɲɔ le, bɛ nun a tɛn lɔgɔ bangalandeŋɛ. Dɔndɛ tota a sɔngɛ doe la, doe tota a sɔngɛ doe la. Isa tota anu tɛma.

Yaya 19:24

Anu ka a fɔ ɲɔgɔn tɛma: «Wo mɔ kana a mafara, han ka fɛrile ma, alako mɔ ni a lɔn, a be tola min bolo.» Wo butɔ, Ala la kuma min be sɛbɛren, kamalita, a ko: «Anu ka n na kutanu fatan ɲɔgɔn tɛma, ka fɛrile ma n na doroki kɔtɔnɛŋɛ la ko la.» Awa, sɔɔrenu ka a ma ɲɔgɔnna le.

Kiilanu 13:27

Darisalamu kaanu anun anu la kuntigenu ma a fahamu Isa mu min na. Nabiyonmɛnu la kumanu minnu be karanna sulen lɔ́gɛ́ bɛ tɔ, anu ma wonu tugun fahamu. Kɔnɔ anu ka wo kumanu lakamali Isa faga koe le la.

Kiilanu 2:36

Awa, bani Isirayila bɔnsɛ bɛ ni a lɔn yati, sikkɛ yo bele wo tɔ: wole yɛtɛ ka Isa min banban lɔgɔ bangalandeŋɛ tɔ, Ala bata wolo ma Marige la, a mɛn bata a ma a la mɔgɔ masubɛreŋɛ la.»

Kiilanu 3:18

Kɔnɔ, Ala ka kuma min yita wagati tanbireŋɛ tɔ, a la nabiyonmɛnu bɛ sabu la, a fɔ koe la, aa a la mɔgɔ masubɛreŋɛ si naa ɲagankata le, a ka wo kuma lakamali le.

Kiilanu 4:28

Anu ka kɛ koe bɛ ma i sagoe nun i la yamɔre butɔ iko i ka a sa ki min na bɔɔla bima.

Kiilanu 5:28

«Mɔ ma wo latɔn de ba a bɛlɛma la, ka a fɔla wo kana kawande ma kɛ kaye tɔgɛ la? Kɔnɔ wo a fɛlɛ, wo bata wo la kawande malansan Darisalamu bɛ tɔ. Wo butɔ, a sɔgɔ be wo la wo ni kɛ kaye faga koe kiti mɔle le la.»

Kiilanu 5:30

Wo mɔ benbanu la Ala ka Isa lawuli, wo ka min banban lɔgɛ tɔ, ka a nɛ bɔɔ.

Kiilanu 7:52

Wo benbanu kitita nabiyonmɛ bɛ ɲagankata koe la! Iyon, minnu ka Telenbaga na koe lake nun, anu ka wonu faga, kɔtɛ wole tugun bata ale Telenbaga janfa, wo ka a faga.

1 Tesaloniki 2:15

Ande Yahudenu le ka nabiyonmɛnu nun Marige Isa faga nun. Anu ka mɔle tugun ɲagankata mɔ la kawandi wale tɔ. Wo butɔ, anu la ko bele diyaren Ala ye, anu bata kɛlɛ tɛgɛ mɔgɛ bɛ ma.

1 Piyɛri 1:2

Baaba Ala ɲan to be koe bɛ lɔnden de yannun a ni ma, wolo mu a ka wo masubɛ, a Hakkile saniyandeŋɛ bata wo kɛrɛkɛrɛ, alako wo ni Ala la mɔgɔ masubɛreŋɛ Isa kulɛ labatu, wo ni saniyan a la base punpundeŋɛ sabu la. Ala mu hinnɛ nun jususa lakoloyala wo ye.

1 Piyɛri 1:20

Ala bata a masubɛ yannun dunuya ni da, kɔnɔ a ka a yita dunuya kɛ wagati tɔɛ mɔgɛnu le la, a ni wole le munanfan.

1 Piyɛri 2:8

A mɛn be fɔren: «Kure le mu mɔgɛnu si anu kɛn natugu min na, kure le mu min si mɔgɛnu laboe.» Anu to bele sɔnna Ala la kuma bitala, wolo mu anu si boe. Ala bata wo lagiri anu ye.