Kiilanu 19:2 - Ala la kitabuenu Mɔgɔfin kuma tɔ

² A ka anu maɲininka, a ko: «Wo dɛnkɛnɛyata wagate min tɔ, wo ka Ala Hakkili saniyandeŋɛ sɔtɔ le ba?» Anu ka a jaabi: «Mɔ ɲan ma wo mɔɛ betunna, ka Hakkili saniyandeŋɛ be.»

Kiilanu 19:2 ပူးပေါင်းရင်းမြစ်များ

Yaya 7:39

Isa be Hakkili Saniyandeŋɛ le la ko fɔla. Minnu tini dɛnkɛnɛya a ma, anu be Hakkili Saniyandeŋɛ le sɔtɔla. Wo ka a taran, Hakkili Saniyandeŋɛ ma jigi, bayi Isa ma kunnawule sɔtɔ betunna.

Kiilanu 10:44

Piyɛri to be wo kuma fɔla nɛti, Ala Hakkili saniyandeŋɛ jigita mɔgɛ bɛ ma minnu be wo kuma lamɔɛla.

Kiilanu 19:5

Anu la wo kuma mɔɛreŋɛ, anu lasuwɛta je tɔ Marige Isa tɔgɛ la.

Kiilanu 2:17

‹Ala ko: n si min ma dunuya la baŋɛnu tɔ, wolo mu kɛ la: n si n Hakkili saniyandeŋɛ lajigi Adamadeŋɛ bɛ le ma: wo la den kayireŋɛnu anun wo la den musereŋɛnu si nabiyonmɛ kuma fɔ le. Wo la kamareŋɛnu si laamutenu yen, wo la kayibanu tugun si kibo le.

1 Samiyɛli 3:7

Samiyɛli bele a lɔnden betunna, ka a fɔla Alatala le be a kelela. A fɔlɔ ma Alatala kulɛ mɔɛ nun.