Kiilanu 18:28 - Ala la kitabuenu Mɔgɔfin kuma tɔ

²⁸ bayi a be nɔ sɔtɔla Yahudenu ma sɛnbɛ la kɛnɛ tɔ, a be a yitala kitabue tɔ, aa Isa le mu Ala la mɔgɔ masubɛreŋɛ la.

Kiilanu 18:28 ပူးပေါင်းရင်းမြစ်များ

Luki 1:80

Awa, wo dendeŋɛ be koloyala, a be sɛnbɛ sɔtɔla hakkile la. A tagata to janfue butɔ han a ka a fan nabɔɔ bani Isirayila mɔgɛnu ma lun min na.

Luki 24:27

Wo butɔ, fenfen be sɛbɛren a yɛtɛ la ko tɔ kitabuenu bɛ tɔ, ka fɔlɔ Taureta Musa han ka naa ke nabiyonmɛ tɔɛnu bɛ la kitabuenu ma, Isa ka wo bɛ fasari anu ye.

Luki 24:44

Wo kɔma, a ka a fɔ anu ye, a ko: «N be wo fɛ fɔlɛ tɔ wagate min tɔ, n tota wolo fɔla wo ye, ka fenfen be sɛbɛren n na ko tɔ, a fɛrɛ bele fɔ wo bɛ ni kamali. Min be sɛbɛren Taureta Musa tɔ, anun nabiyonmɛ tɔɛnu la kitabuenu tɔ, anun Jaburu kitabue tɔ, wo bɛ ni kamali.»

Yaya 5:39

Wo be Ala la sɛbɛrenu tefila ka a fɛlɛ a ɲinma la, bayi a be wo juse tɔ, ko abada kise be sɔtɔla wo sɛbɛre le tɔ. Awa, wo sɛbɛrenu tugun de mu n seede la.

Kiilanu 17:3

A be kitabue fasarila, a be a yitala a ko, a fɛrɛ yo bele fɔ Ala la mɔgɔ masubɛreŋɛ ni tɔɔrɔ, a mɛn ni tawuli fagabaganu tɛma. A ko: «N be Isa min na ko lakela wo ma ka, ale le mu Ala la mɔgɔ masubɛreŋɛ la.»

Kiilanu 18:25

Ale kaye be Marige Isa la kila lɔnden. A be yantɛren wo la Hakkile Saniyandeŋɛ la, a be Isa la koenu fɔla, a be mɔgɛnu karanna wo tɔ a kɛɲa ma. Kɔnɔ a ka Yaya la malasuwɛ la ko pɛti le lɔn.

Kiilanu 18:5

Silasi nun Timote to keta ɲɔ bɔɔla Masedoni duge tɔ, Pɔlu tota kuma lake tun de tɔ, a be seedeɲɔgɔya bɔɔla Yahudenu ye, ka a fɔla Isa mu Ala la mɔgɔ masubɛreŋɛ le la.

Kiilanu 8:35

Awa, Filipu ka kuma da bita, a ka a fɔlɔ kɛ sɛbɛre dula ma, a ka Isa la ko kibaru ɲinma lake a ma.

Kiilanu 9:22

Kɔnɔ Sɔlu sɛnbɛ tota koloyala koola. Yahudenu minnu be sabatiren Damasi, a be a yitala anu la ka a fɔla Isa mu Ala la mɔgɔ masubɛreŋɛ le la; wo ka anu kɔntɔfili koola.