Kiilanu 18:26 - Ala la kitabuenu Mɔgɔfin kuma tɔ

²⁶ A ka kawandi fɔlɔ limaniya la Yahudenu kawandi ma boŋɛ butɔ. Pirisila nun Akila ka a lamɔɛ wagate min tɔ, anu ka a madon anu la, anu ka Ala la kila kɔtɔ ɲatabɔ a ye a kɛɲa ma ka tanbi a fɔlɔnɛŋɛ la.

Kiilanu 18:26 ပူးပေါင်းရင်းမြစ်များ

Luki 19:26

Kɔnɔ mansa ko: ‹N ni a fɔ wo ye, min ka taakue bita a ɲinma la, do tugun si sa a tɛŋɛ kunma. Kɔnɔ min ma taakue bita, hali donden min be a bolo, wo si bɔɔ le a bolo.

Luki 24:27

Wo butɔ, fenfen be sɛbɛren a yɛtɛ la ko tɔ kitabuenu bɛ tɔ, ka fɔlɔ Taureta Musa han ka naa ke nabiyonmɛ tɔɛnu bɛ la kitabuenu ma, Isa ka wo bɛ fasari anu ye.

Yaya 7:17

Ka mɔgɔ yo be a hanigeren a ni Ala sagoe ma, wo tigi si a lɔn de, ka kɛ karaŋɛ be fatanden Ala le la, ka wo ma a be fatanden n yɛtɛ le la.

Kiilanu 14:3

Hali wo bɛ to mata, Pɔlu nun Baranabasi ka tɛmu yanfama le ma ɲɔ. Anu be yigi saren Marige ma, anu be kumala limaniya la. Marige be kabanakoenu nun misalenu mala anu sabu la, wo butɔ, anu be kuma min nakela a la hinnɛnteya la ko tɔ, Marige be wo kuma seedeɲɔgɔya bɔɔla ɲɔgɔnna le.

Kiilanu 18:18

Awa wo kɔma, Pɔlu ka tele siyama tugun ma ɲɔ. A saarata ɲɔ nɛɛnɛdɔndɛnu la wagate min tɔ, a nun Pirisila anun Akila jigita kulun banba butɔ, tagala Siri jamanɛ mafanna. Wo ka a taran, a bata a kuŋɛ si Sankareya bakkidala, bayi a ka lahire jigan nun Ala ye.

Kiilanu 18:25

Ale kaye be Marige Isa la kila lɔnden. A be yantɛren wo la Hakkile Saniyandeŋɛ la, a be Isa la koenu fɔla, a be mɔgɛnu karanna wo tɔ a kɛɲa ma. Kɔnɔ a ka Yaya la malasuwɛ la ko pɛti le lɔn.

Kiilanu 19:8

Wo tanbi kɔma, kari saba kɔtɔ, Pɔlu ni kɛnɛ donna Yahudenu kawandi ma boŋɛ butɔ, a be kumala limaniya la. Wo butɔ, a tota Ala la mansabaya la ko ɲatabɔla anu ye, a be katala a ni mɔgɛnu manɔ minnu be anu tolomasɔren a la.

Kiilanu 28:23

Awa, anu ka lun dɔndɔ lakoti Pɔlu ye. Wo luŋɛ to keta, anu siyama tagata a ma a yigiya tɔ. A tota seedeɲɔgɔya bɔɔla kabɔɔ saguma han wura la, a be Ala la mansabaya la ko ɲatabɔla anu ye. Wo butɔ, a be katala a ni anu lalaa ka a fɔla Isa yati le mu Ala la mɔgɔ masubɛreŋɛ la, Taureta Musa nun nabiyonmɛnu la kitabuenu sabu la.

Kiilanu 8:31

A ka a jaabi, a ko: «N si nɔ a fahamula kama le, ka mɔgɔ bele min si a fasari n ɲɛ?» A ka Filipu madiya a ni yɛlɛ, a ni sigi a kɛnna.