Kiilanu 18:2 - Ala la kitabuenu Mɔgɔfin kuma tɔ

² A ka Yahude do taran ɲɔ, a tɔgɔ Akila, a sɔtɔta Pɔntu jamanɛ tɔ le. A be bɔɔren nala bɔɔla Itali jamanɛ tɔ, anun a la muse Pirisila, bayi Rɔmu mansa banba Kulodu dun bata Yahude bɛ yamɔri, ka a fɔla anu ni bɔɔ Rɔmu saa butɔ. Awa, kafuɲɔgɔya tota wonu nun Pɔlu tɛma.

Kiilanu 18:2 ပူးပေါင်းရင်းမြစ်များ

Kiilanu 11:28

Dɔndɔ be anu tɛma a tɔgɔ Agabusi, wo wulita a ka a yita Hakkili saniyandeŋɛ sabu la, aa kɔnkɔ fitina si naa tugu le dunuya bɛ la. Wo koe mata le yati Rɔmu mansa banba Kulodu wagate.

Kiilanu 18:18

Awa wo kɔma, Pɔlu ka tele siyama tugun ma ɲɔ. A saarata ɲɔ nɛɛnɛdɔndɛnu la wagate min tɔ, a nun Pirisila anun Akila jigita kulun banba butɔ, tagala Siri jamanɛ mafanna. Wo ka a taran, a bata a kuŋɛ si Sankareya bakkidala, bayi a ka lahire jigan nun Ala ye.

Kiilanu 18:26

A ka kawandi fɔlɔ limaniya la Yahudenu kawandi ma boŋɛ butɔ. Pirisila nun Akila ka a lamɔɛ wagate min tɔ, anu ka a madon anu la, anu ka Ala la kila kɔtɔ ɲatabɔ a ye a kɛɲa ma ka tanbi a fɔlɔnɛŋɛ la.

Kiilanu 2:9

Mɔle minnu be bɔɔren Parate jamanɛ, anun Mede jamanɛ, anun Elamu jamanɛ, anun mɔle minnu be bɔɔren Mesapotami, anun Juda, anun Kapadosi, anun Pɔntu, anun Asi,

Kiilanu 27:1

Anu to ka a hanige mɔ ni taga kulun banba tɔ Itali jamanɛ tɔ, anu ka Pɔlu nun gelemanɛ donu don sɔɔri kuŋɛ do bolo, a tɔgɔ Suliyusi, Rɔmu mansa banba la sɔɔri kuruŋɛ kuŋɛ do le.

Kiilanu 27:6

Sɔɔri kuŋɛ ka kulun banba do taran ɲɔ, min bɔɔta Alɛsandiri saa tɔ, a be tagala Itali jamanɛ tɔ, a ka mɔ bakki wo tɔ.

1 Piyɛri 1:1

Bataakɛ le mu ka, a be fatanden nde Piyɛri le la, Ala la mɔgɔ masubɛreŋɛ Isa la kiilá. N bata wo kɔntɔn, wole dɛnkɛnɛyabaga masubɛreŋɛnu minnu be malansanden luntanya la kɛ jamanɛnu butɔ: Pɔntu duge, anun Galati, Kapadosi, Asi nun Bitini.