Kiilanu 15:20 - Ala la kitabuenu Mɔgɔfin kuma tɔ

²⁰ fɔ ka sɛbɛre ma, ka a lasanba anu ma, anu ni anu yɛtɛ latanga sarika haramureŋɛnu dɔmɔ koe ma, minnu be bɔɔla kuyenu ye, anun subenu minnu bata jifɛ, anun base, anu mɛn ni anu latanga langbeya ma.

Kiilanu 15:20 ပူးပေါင်းရင်းမြစ်များ

Ko fɔlɔfɔlɛ 35:2

Yaguba ka a fɔ a la denbayanu ye anun minnu bɛ be a bolo, a ko: «Wo bɔɔ kuye koe kɔma minnu be wo bolo. Wonu mu luntaŋɛ le la wole ye! Wo ni wo yɛtɛ saniyan, wo ni wo la donfeŋɛnu tugun mafalin.

Ko fɔlɔfɔlɛ 9:4

Kɔnɔ wo kana sube nun a base dɔmɔ de! bayi a nɛ be a base le tɔ.

Hɔrɔya 20:23

Wo kana kuye yo ɲiɲa kaalise la, ka wo ma sanuɛ, wo ni a ma wo la batufeŋɛ la nde faliŋɛ la.

Lewi bɔnsɛnu la sariya 18:6

Wo kana kafu wo sɔtɔɲɔgɛ ka wo ma wo futuɲɔgɛ fɛ. Nde le mu Alatala la.

Lewi bɔnsɛnu la sariya 19:26

Wo kana subu yo dɔmɔ wo ma min base labɔɔ. Wo kana fɛrili ma walenu ma, wo kana dureya ma.

Lewi bɔnsɛnu la sariya 3:17

Wo nun wo bɔnsɛ, mɔgɔ yo kana sube kɛ́ŋɛ dɔmɔ, mɔgɔ yo kana sube base min. Wo sabatita kan do kan, wo bata ma yamɔre la min te tiɲa abada.»

Kiilanu 15:29

wo kana sube dɔmɔ, min be bɔɔren sarika la kuyenu ye, anun subu jifɛreŋɛnu, wo kana base tugun min, wo mɛn kana langbeya ma. Ka wo ka wo yɛtɛ matanga kɛnu ma, wo bata ko ɲinma ma. Ala mu hɛra diila wo ma!»

Kiilanu 21:25

Sii gbɛtɛ mɔgɛnu kan minnu bata dɛnkɛnɛya, mɔle ka natá jigan, ka a sɛbɛre ma wonu ma: anu kana sube dɔmɔ min be bɔɔren sarika la kuyenu ye, anun subu jifɛreŋɛnu, anun base, anu kana langbeya tugun ma.»

1 Tesaloniki 4:3

Ala sagoe le mu wo ni saniyan, wo ni wo yɛtɛ latanga langbeya ma,

1 Piyɛri 4:3

Wo ⸂mɔ⸃ be wagate min maren Ala lɔnbalenu la diyanankoe kɔma, wo ɲan bata kun. Wo bata mɛ jalonya mala wagati tanbireŋɛ tɔ, hanige koronya, siisi koe, muradi koroŋɛ, beeri min tolon koroŋɛ, anun kuye batu koe, min be maren ko kɔndeŋɛ la.

1 Samiyɛli 14:32

Wo butɔ, anu nata tugu anu jaguenu kɛɛ la. Anu ka saakanu, baanu anun ningenu jigan, sa ningi deŋɛnu kunma, anu ka wonu kannatɛgɛ duge tɔ, jama ka a dɔmɔ a base fɛ.

1 Samiyɛli 14:33

Anu tagata wo koe matanbi Sayulu ma, aa jama be junube mala Alatala la ka sube dɔmɔ a base fɛ. Sayulu to ka wo mɔɛ, a ko: «Janfante le mu wo la! Wo ni kuru belebele do latallɛ n kɛnna yan.»