Kiilanu 14:2 - Ala la kitabuenu Mɔgɔfin kuma tɔ

² Kɔnɔ Yahude minnu balanta dɛnkɛnɛyala, wonu ka saa mɔgɛnu bu tadon minnu bele maren Yahudenu la, alako anu juse ni yɛlɛ dɛnkɛnɛyabaganu ma.

Kiilanu 14:2 ပူးပေါင်းရင်းမြစ်များ

Yaya 3:36

Ka mɔgɔ min be dɛnkɛnɛyaren Ala la den kayireŋɛ ma, a si abada kise sɔtɔ le. Ka mɔgɔ min ma Ala la den kayireŋɛ kulɛ bita, wo tigi te nɔ kisila. Ala la dumɛ ɲan si to le a kunma.»

Kiilanu 1:15

Wo lanuma, Piyɛri wulita lun do, a sɔta a nɛɛnɛdɔndɛnu tɛma. Wo ka a taran, anu madɛndeŋɛ si mɔgɔ kɛmɛ mɔgɔ mugan ɲɔgɔn bɔɔ.

Kiilanu 13:45

Yahudenu to ka jama banba yen, bɛsɛnkɔnnɛya ka anu bita koola. Anu bakkuta Pɔlu la, anu tota a la kumanu sɔsɔla anu be tana kuma fɔla a ma.

Kiilanu 13:50

Kɔnɔ musu tɔgɔ bɔɔreŋɛnu minnu be donden Yahudenu la diina tɔ, anu nun saa butɔ kuntigenu, Yahudenu ka wonu bu tadon, anu kitita Pɔlu nun Baranabasi ɲagankata koe la, anu ka wonu bee, ka anu bɔɔ anu la jamanɛ tɔ.

Kiilanu 14:19

Kɔnɔ Yahudenu nata bɔɔla Antiyoki anun Ikoni saa tɔ, anu ka jama bu tadon han anu ka Pɔlu mabun a faga koe la. Wo kɔma anu ka a sabaa ka a labɔɔ saa butɔ, a be toren anu ye a bata faga.

Kiilanu 14:4

Awa, saa butɔ mɔgɔ jama fatanta fila la: sɔngɔ dɔndɔ sɔta Yahudenu fɛ, sɔngɛ doe sɔta kiilanu fɛ.

Kiilanu 14:5

Wo butɔ, Yahudenu anun anu la kuntigenu anun sii gbɛtɛ mɔgɛnu bɛnta a ma anu ni ko koroŋɛ ma Pɔlu nun Baranabasi la, anu ni anu mabun ka anu faga.

Kiilanu 17:13

Kɔnɔ Tesaloniki Yahudenu to ka a mɔɛ Pɔlu be Ala la kuma lakela Bereya saa tɔ tugun, anu tagata ɲɔ tugun anu tota jama lamagala ka a ɲatadon.

Kiilanu 17:5

Kɔnɔ bɛsɛnkɔnnɛya tota Yahude siyama ye, anu ka kayi koroŋɛ mɔgɔ fufafue donu jigan anu fɛ, anu ka jama madɛn, anu ka saa bɛ ɲatadon, wo butɔ anu tagata mɔgɛ do la boŋɛ bita, a tɔgɔ Jason; anu be Pɔlu nun Silasi ɲinila ɲɔ, alako anu ni anu labɔɔ jama madɛndeŋɛ ye.

Kiilanu 18:12

Wo ka a taran, Galiyon be maren dugu mansa la Akayi duge kunma. Awa wo wagate le, Yahudenu wulita Pɔlu digii ma hanige dɔndɔ la, anu ka a doni kiiti sa boŋɛ tɔ,

1 Tesaloniki 2:14

Wo butɔ, n nɛɛnɛdɔndɛnu, wo bata ma Ala la dɛnkɛnɛyabaga jama ladegenná la, minnu bata dɛnkɛnɛya a la mɔgɔ masubɛreŋɛ Isa ma Juda duge tɔ. Bayi, anu bareŋɛnu Yahudenu ka anu tɔɔrɔ le, awa wole tugun, wo bareŋɛnu ka wo tɔɔrɔ ɲɔgɔnna le.