Kiilanu 13:45 - Ala la kitabuenu Mɔgɔfin kuma tɔ

⁴⁵ Yahudenu to ka jama banba yen, bɛsɛnkɔnnɛya ka anu bita koola. Anu bakkuta Pɔlu la, anu tota a la kumanu sɔsɔla anu be tana kuma fɔla a ma.

Kiilanu 13:45 ပူးပေါင်းရင်းမြစ်များ

Ko fɔlɔfɔlɛ 37:11

A kɔtɔnu ka a bɛsɛnkɔnnɛya, kɔnɔ a baaba kan be a hakkile toren a la kiboenu ma.

Kiilanu 13:50

Kɔnɔ musu tɔgɔ bɔɔreŋɛnu minnu be donden Yahudenu la diina tɔ, anu nun saa butɔ kuntigenu, Yahudenu ka wonu bu tadon, anu kitita Pɔlu nun Baranabasi ɲagankata koe la, anu ka wonu bee, ka anu bɔɔ anu la jamanɛ tɔ.

Kiilanu 14:19

Kɔnɔ Yahudenu nata bɔɔla Antiyoki anun Ikoni saa tɔ, anu ka jama bu tadon han anu ka Pɔlu mabun a faga koe la. Wo kɔma anu ka a sabaa ka a labɔɔ saa butɔ, a be toren anu ye a bata faga.

Kiilanu 14:2

Kɔnɔ Yahude minnu balanta dɛnkɛnɛyala, wonu ka saa mɔgɛnu bu tadon minnu bele maren Yahudenu la, alako anu juse ni yɛlɛ dɛnkɛnɛyabaganu ma.

Kiilanu 14:4

Awa, saa butɔ mɔgɔ jama fatanta fila la: sɔngɔ dɔndɔ sɔta Yahudenu fɛ, sɔngɛ doe sɔta kiilanu fɛ.

Kiilanu 14:5

Wo butɔ, Yahudenu anun anu la kuntigenu anun sii gbɛtɛ mɔgɛnu bɛnta a ma anu ni ko koroŋɛ ma Pɔlu nun Baranabasi la, anu ni anu mabun ka anu faga.

Kiilanu 17:5

Kɔnɔ bɛsɛnkɔnnɛya tota Yahude siyama ye, anu ka kayi koroŋɛ mɔgɔ fufafue donu jigan anu fɛ, anu ka jama madɛn, anu ka saa bɛ ɲatadon, wo butɔ anu tagata mɔgɛ do la boŋɛ bita, a tɔgɔ Jason; anu be Pɔlu nun Silasi ɲinila ɲɔ, alako anu ni anu labɔɔ jama madɛndeŋɛ ye.

Kiilanu 18:6

Kɔnɔ anu wulita a digii ma anu be a mananila. Wo butɔ, a ka a la doroke konkon, banbaŋɛ bɔɔta, a ka a fɔ anu ye, a ko: «Ka wo samata, wole len gbaa mu! Nde bata wo kote bɔɔ n kunma! Kɔtɛ n si naa taga sii gbɛtɛ mɔgɛnu ma.»

Kiilanu 19:9

Kɔnɔ donu hakkile be bɛlɛyaren anu ma sɔn dɛnkɛnɛyala, anu mɛn ni to kuma koroŋɛ fɔla Isa ma jama ɲala, ka a fɔla a la kila maɲin. Awa, Pɔlu bɔɔta anu kunma, a ka talibenu jigan a dana ma Tiranusi la karan boŋɛ tɔ, a tota anu kawandila tele yo tele.

Kiilanu 5:17

Wo butɔ, sarika lakela kuntige nun minnu be a kɔma, minnu be tabɛnden Sadusinu ma, bɛsɛnkɔnnɛya tota anu tɔ koola, anu wulita,

1 Tesaloniki 2:16

Wo kɛlɛ tɛgɛ butɔ, anu be diren mɔ ɲamɔla mɔ kana sii gbɛtɛnu kawandi alako wonu ni kisi. Wo butɔ, anu be anu la junube minnu mala bɔɔla bima, anu be a kɔnte kunmasala han a ni tanbi a tɔ. Kɔnɔ, Ala la dumɛ bata anu bita.

Yaguba 4:5

Kaa, a bɛnta kɛ mira ni to wo ye ba, ka a fɔla min be sɛbɛren kitabue tɔ, Ala be wo fɔren fufafu le la? A ko, a bata hakkile min dii wo mɔ ma, a sɔgɔ be a la yati, wo hakkile ni sɔ a dɔrɔn de kɔma.

1 Piyɛri 4:4

Wo to bele dunuya mɔgɛnu jokkila wo dunuyanteya danbale la bitugun, wo bata ma anu ye tɛrɛnna la. Wo butɔ, anu be wo tɔgɔtiɲala,