Kiilanu 1:24 - Ala la kitabuenu Mɔgɔfin kuma tɔ

²⁴ Anu ka mamataraŋɛ ma, anu ko: «Marige, ile min ka mɔgɛ bɛ sondoŋɛ butɔ koe lɔn, a yita mɔ la i be min masubɛren kɛ mɔgɔ fila tɔ,

Kiilanu 1:24 ပူးပေါင်းရင်းမြစ်များ

Luki 16:15

A ka a fɔ anu ye, a ko: «Wo be wo yɛtɛ maren mɔgɛnu ɲala telenbaganu la, kɔnɔ min be wo sondoŋɛ tɔ, Ala ka wo bɛ lɔn. Wo ni a lɔn, min tɔnɛ kolo mɔgɛ ye, wo mu tana le la Ala ye.

Yaya 21:17

A ka a maɲininka a kunɲama sabaɲɔgɛ la, a ko: «Simɔn, Yaya la den kayireŋɛ, n di i ye ba?» Piyɛri suunuta, bayi Isa ka a ɲininka a kunɲama sabaɲɔgɛ la, ka a di a ye. A ka a jaabi: «Marige, ile ka koe bɛ lɔn, ile ka a lɔn i di n ɲɛ.» Isa ka a fɔ a ye: «Awa, n na saakanu daɲini.

Kiilanu 14:23

Dɛnkɛnɛyabaga kurun yo kurun, anu ka kuntigenu sɔ anu ye. Wo kɔma, anu ka súŋɛ́ nun Ala mataraŋɛ ma, anu mɛn ka wo kuntigenu taaku Marige la, anu dɛnkɛnɛyata min ma.

Kiilanu 15:8

Ala min ka mɔgɛ sondoŋɛ butɔ koe lɔn, wo ka a Hakkili Saniyandeŋɛ dii anu ma, iko a ka a dii mɔ ma ki min na, wo butɔ a ka a yita anu la a beeyareŋɛ la anu bata ma a tɛŋɛ la.

Kiilanu 6:6

Anu ka wonu dantɛgɛ kiilanu ye. Wonu ka Ala mataran anu ye, anu ka anu bole sa anu kuŋɛ ma.

1 Samiyɛli 14:41

Sayulu ka a fɔ Alatala ye: «Bani Isirayila kaanu la Ala, tɔɲa yita tonbola la.» Tonbola naata Sayulu nun Yonatan yita, jama le bele bitaren.

1 Samiyɛli 16:7

Kɔnɔ, Alatala ka a fɔ Samiyɛli ye: «I kana a bale le fɛlɛ de, ka wo ma a la kayanya. Bayi nde bele ale le masubɛren. Nde la mamasubɛ bele toren de iko mɔgɛnu. Mɔgɛnu ɲa be min yenden, anu be wolo makiitila. Alatala kan ɲa be sɔren mɔgɛ juse le la.»