Kiilanu 1:15 - Ala la kitabuenu Mɔgɔfin kuma tɔ

¹⁵ Wo lanuma, Piyɛri wulita lun do, a sɔta a nɛɛnɛdɔndɛnu tɛma. Wo ka a taran, anu madɛndeŋɛ si mɔgɔ kɛmɛ mɔgɔ mugan ɲɔgɔn bɔɔ.

Kiilanu 1:15 ပူးပေါင်းရင်းမြစ်များ

Luki 22:32

Kɔnɔ n bata Ala mataran ile ye, alako i la dɛnkɛnɛya kana ban i bolo. Ile tugun, i tini i yɛtɛ lasaagi n ma wagate min tɔ, i si i bareŋɛnu sɛnbɛ don de.»

Yaya 14:12

N ni tɔɲa beeyareŋɛ fɔ wo ye: min tini dɛnkɛnɛya n ma, n be wale minnu mala, ale tugun si wonu ɲɔgɔn ma. A ɲan si donu tugun ma minnu kolo n tɛŋɛnu ko, bayi nde be tagala le n Baaba dula.

Yaya 21:23

Wo butɔ, kuma do tagamanta nɛɛnɛdɔndɛnu tɛma, a fɔla wo talibe te faga. Kɔnɔ Isa ma a fɔ Piyɛri ye, wo talibe te faga. A ka a fɔ le, aa ka a dita le a ni to han a be tanala wagate min tɔ, aa wo be fen jarala Piyɛri ma?

Kiilanu 10:23

Wo butɔ, Piyɛri ka anu ladon, a ka anu yigiya. Wo tabantaka, a wulita, anu bɛ tagata. A nɛɛnɛdɔndɛ diinaɲɔgɛnu minnu be Jafa, wonu donu ka a masɔ.

Kiilanu 11:1

Kiilanu anun dɛnkɛnɛyabaganu minnu be Juda duge tɔ, wonu ka a mɔɛ ka a fɔla, sii gbɛtɛnu mɔgɛnu minnu ma ma Yahudenu la, wonu tugun bata Ala la kuma bita.

Kiilanu 11:12

Hakkili saniyandeŋɛ ka a fɔ n ɲɛ mɔ nun anu bɛ ni taga, sikkɛ bele a tɔ. Kɛ n nɛɛnɛdɔndɔ mɔgɔ wɔɔrɛ tugun ka n masɔ. Mɔ tagata don wo kaye Kɔrɔnɛyi la boŋɛ tɔ.

Kiilanu 11:26

A to ka a yen, a ka a doni Antiyoki saa tɔ. San dɔndɔ muumɛ kɔtɔ, anu nun dɛnkɛnɛyabaga jama tota madɛnna, anu ka mɔgɔ siyama kawandi. A fɔ koe la talibenu ma «Isayanka», wo fɔlɔta Antiyoki le.

Kiilanu 11:29

Wo butɔ, ɲɔ talibenu bɛnta a ma ka a fɔla, anu nɛɛnɛdɔndɛnu minnu be sabatiren Juda duge tɔ, anu ni wonu dɛman fondo lasanba koe la anu ma, bɛ si nɔ min na.

Kiilanu 12:17

Kɔnɔ a ka anu masabari a bole la, anu ni anu mɔdɛ. Marige ka a labɔɔ geele tɔ ki min na, a ka wo ɲatabɔ anu ye. A mɛn ko: «Wo ni kɛ koenu lasaagi Yaguba nun nɛɛnɛdɔndɛ doenu ma.» Wo kɔma, a naata bɔɔ, a tagata dula do tɔ.

Kiilanu 14:2

Kɔnɔ Yahude minnu balanta dɛnkɛnɛyala, wonu ka saa mɔgɛnu bu tadon minnu bele maren Yahudenu la, alako anu juse ni yɛlɛ dɛnkɛnɛyabaganu ma.

Kiilanu 15:1

Lun do, kaye donu bɔɔta le Juda jamanɛ tɔ, anu jigita Antiyoki, anu fɔlɔta ɲɔ nɛɛnɛdɔndɛ diinaɲɔgɛnu karanna, anu ko: «Ka wo ma sunna, iko Musa la sariya be ki min na, wo te nɔ kisila.»

Kiilanu 15:3

Awa, dɛnkɛnɛyabaga jama ka anu fanda. Anu be Fenisi nun Samari duge takuntula wagate min tɔ, anu tota a yitala ɲɔ kaanu la, sii gbɛtɛ mɔgɛnu ka anu yɛtɛ lasaagi Ala ma ki min na minnu ma ma Yahudenu la. Wo mata sɛɛwa banba la nɛɛnɛdɔndɛnu bɛ ye.

Kiilanu 16:2

Nɛɛnɛdɔndɛ diinaɲɔgɛnu minnu be Lisitiri nun Ikoni saa tɔ, wonu be ale Timote tɔgɔ ɲinma fɔla.

Kiilanu 16:40

Pɔlu nun Silasi bɔɔta geele tɔ, anu tagata don Lidiya la boŋɛ tɔ. Anu to ka nɛɛnɛdɔndɛ diinaɲɔgɛnu yen, anu ka wonu lalimaniya anu tagata.

Kiilanu 17:10

Wo sue tɔ kisanna, nɛɛnɛdɔndɛ diinaɲɔgɛnu ka Pɔlu nun Silasi lataga Bereya saa tɔ. Anu la kereŋɛ ɲɔ, anu donta Yahudenu la kawandi ma boŋɛ tɔ.

Kiilanu 17:14

Wo butɔ, nɛɛnɛdɔndɛnu ka Pɔlu lasanba kisanna, a ni taga ba dala, kɔnɔ Silasi nun Timote tota Bereya saa tɔ.

Kiilanu 17:6

Anu to ma anu yen, anu ka Jason yɛtɛ le sabaa anun nɛɛnɛdɔndɛ donu, anu ka anu doni saa mansanu dula. Anu be sɔnkɛ layɛlɛla, anu ko: «Kɛ mɔgɛnu minnu ka dunuya bɛ lamurutɛ, anu bata na yan tugun.

Kiilanu 18:18

Awa wo kɔma, Pɔlu ka tele siyama tugun ma ɲɔ. A saarata ɲɔ nɛɛnɛdɔndɛnu la wagate min tɔ, a nun Pirisila anun Akila jigita kulun banba butɔ, tagala Siri jamanɛ mafanna. Wo ka a taran, a bata a kuŋɛ si Sankareya bakkidala, bayi a ka lahire jigan nun Ala ye.

Kiilanu 18:27

Wagate do latanbireŋɛ, a sɔgɔ ka a bita, a ni tanbi kela Akayi duge tɔ. Wo butɔ, Efɛsi nɛɛnɛdɔndɛ diinaɲɔgɛnu ka sɛbɛre lasanba Akayi talibenu ma anu ka anu lalaa, ka a fɔla anu ni a labɛn a ɲinma la. A la kereŋɛ ɲɔ, minnu mata dɛnkɛnɛyabaga la Ala la hinnɛnteya sabu la, a ka wonu dɛman koola,

Kiilanu 21:17

Mɔ la kereŋɛ Darisalamu, ɲɔ nɛɛnɛdɔndɛ diinaɲɔgɛnu ka mɔ labɛn ɲagaliŋɛ la.

Kiilanu 21:20

Anu to ka wo mɔɛ, anu ka Ala matɔgɔ, anu mɛn ka a fɔ Pɔlu ye: «Mɔ nɛɛnɛdɔndɛ, i bata a yen, Yahude wulu siyama bata dɛnkɛnɛya, adun anu bɛ be Musa la sariya labaturen a bɛlɛma la.

Kiilanu 21:7

Mɔle tugun bɔɔta Tiiri, mɔ tagata ke Potolemayi saa tɔ; mɔ ka ji tɔ kila lakamali ɲɔ le. Mɔ ka ɲɔ nɛɛnɛdɔndɛ diinaɲɔgɛnu kɔntɔn, mɔ nun anu ka tele dɔndɔ ma.

Kiilanu 22:5

Sarika lakela kuntige banba nun Yahude kuntigenu bɛ mu n seede la. Wonu yati ka sago dii kaide don n bolo tagala mɔ bareŋɛnu ma Damasi saa tɔ. Wo butɔ, n tagata ɲɔ, alako talibenu minnu be ɲɔ, n ni wonu tugun kitireŋɛ nati Darisalamu ka anu ɲagankata.

Kiilanu 28:14

Mɔ ka nɛɛnɛdɔndɛ diinaɲɔgɛ donu taran ɲɔ, anu ka mɔ madiya, mɔ ni tele wɔrɔwila ma anu fɛ. Awa, mɔ tanbita ɲɔgɔnna le tagala Rɔmu.