Ko fɔlɔfɔlɛ 8:20 - Ala la kitabuenu Mɔgɔfin kuma tɔ

²⁰ Wo kɔma, Nuha ka sarika bintandula ɲiɲa, a ka Alatala batu. A ka subu ladagɛreŋɛ mɔɔle bɛ jigan dɔndɔ dɔndɔ anun konden ladagɛreŋɛ, a ka a bɔɔ sarika bintannɛŋɛ la.

Ko fɔlɔfɔlɛ 8:20 ပူးပေါင်းရင်းမြစ်များ

Ko fɔlɔfɔlɛ 13:18

Iburama ka a la tantanu bɔɔ, a tagata sabati Mamire la lɔgɔ kutu banba be sɔren dula min tɔ. Ɲɔ be Heburɔn saa dala le. A ka sarika bintandula ɲiɲa Alatala ye ɲɔ.

Ko fɔlɔfɔlɛ 13:4

Iburama ka sarika bintandula ɲiɲa ka min na nun. A mɛn ka Alatala batu a tɔgɛ la ɲɔ.

Ko fɔlɔfɔlɛ 22:2

Ala mɛn ka a fɔ a ye: «I la den kayireŋɛ Isiyaka jigan, i la den dɔndɛ, i be min kanuren; i ni taga Mɔriya duge tɔ. N si kɔnkɛ do yita i la ɲɔ. I ni taga wo kɔnkɛ kanna, i ni Isiyaka bɔɔ sarika bintannɛŋɛ la.»

Ko fɔlɔfɔlɛ 22:9

Anu to keta kɔnkɛ tɔ, Ala ka ka min na ko fɔ a ye nun, Iburahima ka sarika bintandula ɲiɲa ɲɔ, a ka lɔgɛnu sa ɲɔ. Wo kɔma, a ka a la den kayireŋɛ Isiyaka kiti, a ka a lasa sarika bintandula tɔ lɔgɛnu kunma.

Ko fɔlɔfɔlɛ 26:25

Isiyaka ka sarika bintandula ɲiɲa a ka Alatala batu. A ka a la tanta sɔ wo dula tɔ, a la joŋɛnu ka kɔlɔŋɛ soe ɲɔ.

Ko fɔlɔfɔlɛ 33:20

A ka sarika bintandula ɲiɲa ɲɔ. A ka ɲɔ tɔgɔ fɔ, a ko: «Isirayila Marige mu Ala le la.»

Ko fɔlɔfɔlɛ 35:1

Wo tɛmuɛ le, Ala ka a fɔ Yaguba ye, a ko: «Wuli, i ni taga Betɛli, i ni to ɲɔ. I ni sarika bintandula ɲiɲa nde Ala ye ɲɔ, n ka n yɛtɛ labɔɔ i ma ka min na, i be borila i kɔtɔ Esayu la tɛmuɛ min tɔ.»

Ko fɔlɔfɔlɛ 35:7

A ka sarika bintandula ɲiɲa ɲɔ, a ka wo dula tɔgɔ sa «Ala min ka a fan nabɔɔ Betɛli», bayi Ala ka a fan nabɔɔ a ma ɲɔ le, a be borila a kɔtɔ la tɛmuɛ min tɔ.

Ko fɔlɔfɔlɛ 4:4

Habila tugun ka a la kolofeŋɛnu den fɔlɛnu donu faga a ka anu bɔɔ sarika la Ala ye anun anu tule. Alatala ka Habila nun a la sarika jigan,

Ko fɔlɔfɔlɛ 7:2

I ni subu ladagɛreŋɛ mɔɔle bɛ jigan i fɛ, a kaye wɔrɔwila anun a muse wɔrɔwila. I ni subu latɔndeŋɛ mɔɔle bɛ tugun jigan, a kaye dɔndɔ anun a muse dɔndɔ.

Ko fɔlɔfɔlɛ 7:3

I ni kondeŋɛ mɔɔle bɛ tugun jigan, a kaye wɔrɔwila anun a muse wɔrɔwila, alako anu bɔnsɛ kana mule duge kunma.

Ko fɔlɔfɔlɛ 8:19

Nilama bɛ bɔɔta. Subenu yo, bubufeŋɛnu yo, kondeŋɛnu yo, bɛ bɔɔta kulun banba butɔ anun a bɔnsɛ la.

Hɔrɔya 10:25

Kɔnɔ Musa ka a jaabi, a ko: «Ade! ile len be kolofeŋɛnu tugun donna mɔ bolo mɔ be minnu bɔɔla Alatala ye sarika la, mɔ la Ala.

Hɔrɔya 29:18

I ni a sube bɛ bintan sarika bintandula kunma. Sarika bintannɛŋɛ le mu wo la nde Alatala ye, ta be min bintanna, a kuɲɛ diyama ni yɛlɛ nde Alatala ma.

Hɔrɔya 29:25

Wo kɔma, i ni naa anu bɔɔ anu bole tɔ, i ni anu sa sarika bintandeŋɛ doenu kunma sarika bintandula kunma, i ni naa anu bintan. Sarika le mu, ta be min bintanna, a kuɲɛ diyama ni yɛlɛ nde Alatala ma.

1 Piyɛri 2:5

Wo be wo madonna a la, wo butɔ wole tugun be mala kurenu le la minnu be baluren, kurenu minnu be sɔla Ala la nɔɔra boŋɛ la. Wo mɛn be mala le sarika lakelá jama saniyandeŋɛ la, wo ni wo yɛtɛ bɔɔ sarika la Ala ye, Ala batue sarika min di a ye a la mɔgɔ masubɛreŋɛ Isa sabu la.

1 Piyɛri 2:9

Kɔnɔ Ala bata wole kan ma bɔnsɔ masubɛreŋɛ la, a ka wo ma mansa la sarika lakela jama la. Wo be maren jama saniyandeŋɛ le la, a ka wo ma a tɛŋɛ yati la. A ka wo kele, a ka wo labɔɔ dibe tɔ, wo ni to a la nɔɔra malanná butɔ. A ka wo bɛ ma le alako wo ni a la wali makaabɛreŋɛnu la ko fɔ.